Library
Profile
କାଉନ୍ଟ ଡାଉନ୍
କାଉନ୍ଟ ଡାଉନ୍
ପରସ୍ତ ପରେ ପରସ୍ତ ଘୋଡେଇ ରହିଛି
କିଛି ସତ୍ୟ , ନିରାଟ ସତ୍ୟ
ସଭିଙ୍କୁ ଜଣା ସେ ସତ୍ୟ ର ଚେହେରା
ତଥାପି ସବୁ ସେଇଠି ଅଭିନୟ ରତ
ମିଛ କୁ ବେଶ୍ ଆଲିଙ୍ଗନ କରି ଜାବୁଡି ଧରୁଛି ଏ ସମାଜ
କିନ୍ତୁ ସାହସ ନାହିଁ ମୁକାବିଲା କରିବାର ସେ ସତ୍ୟ କୁ
ସୂର୍ଯ୍ୟ , ଚନ୍ଦ୍ର ପରି
ଦିନ ଆଉ ରାତି ପରି
ସେ ବି ତ ଧ୍ରୁବ ସତ୍ୟ
ଯାହାକୁ ବଦଳେଇବା ର ଭାବନା ବି
ସେ ଲୋଭୀ କୁକୁର ର ପାଣି ରେ ମାଉଁସ ଖଣ୍ଡ ପ୍ରତିଛବି ପରି
ହଁ ସମସ୍ତେ ଜାଣିଛନ୍ତି ତାକୁ
ସେ ଆଉ କେହି ନୁହେଁ
ସେ ହିଁ ତ ମୃତ୍ୟୁ
ଯାହାକୁ ପାଇବାର ଅପେକ୍ଷା ସମସ୍ତେ କରନ୍ତି ଜୀବନ ସାରା
ଆଉ ଷ୍ଟପ୍ ୱାଚ୍ ଟେ ଧରି
ସେ କରି ଚାଲିଛି ଆମ ଜୀବନ ନାଟିକା ର କାଉ ନ୍ଟ ଡାଉନ୍
ହେଲେ ବି ଏ ସୃଷ୍ଟି କେବେ ବୁଝେନା
ଜାଣି ପାରେନା
ଆଗକୁ ବଢିବାର ନିଶା ରେ
ସ୍ବାର୍ଥ କୁ ପୂରଣ କରିବା ଇଛା ରେ
ବଢିଆମି ର ଜାଲ କୁ ବିଛେଇବାର ଛଳନା ରେ ସେ ସବୁ ଭୁଲିଯାଏ
ପ୍ରତି ବର୍ଷ କୁ ଥରେ ଗୋଟିଏ ବର୍ଷ ର ପୂର୍ତ୍ତି ରେ ନାଚି ଉଠେ
ଭୁଲି ଯାଏ
ଜୀବନ ରାସ୍ତା ରୁ ପୁଣି କମିଗଲା
ଆଉ ଗୋଟେ ବର୍ଷ
ସେ ବୁଝି ପାରେନି ଅବା
ବୁଝି ବି ନ ବୁଝିବାର ଛଳନା କରେ
ତାହା ଜଣା ନାହିଁ
ତଥାପି କେବେ ବି ଅଟକି ଯାଏନି ସେ କାଉନ୍ଟ ଡାଉନ୍
ଯାହା ର ଲକ୍ଷ୍ୟ ଅଟକି ଯାଏ
ସେଇ ଚିରନ୍ତନ ସତ୍ୟ ପାଖେ
