ଲୋତକ

ନୀରବ ଶିଷ୍ପ୍ରଭ ଓଠର

ଅସଂଖ୍ୟ ଅକୁହା ଗାଥା

ହୃଦୟ କୁଞ୍ଜବନ ରୁ

ଭାସି ଆସୁଥିବା ଭାଷା

ନିର୍ମଳ ଜଳ ବିନ୍ଦୁ ଟିଏ

ସେ ତ ଲୋତକ  l

ମନପକ୍ଷୀର ଅକୁହା ପ୍ରତିଧ୍ୱନି

ଅମାନିଆ ସେ  ବିରହିଣୀ

ଧାରାଶ୍ରାବଣରେ ଝଙ୍କୃତ ରାଗିଣୀ

ବର୍ଷାର ମିଠାମିଠା ଚାହାଣୀ

ନିର୍ମଳ ଜଳ ବିନ୍ଦୁ ଟିଏ

ସେ ତ ଲୋତକ  l

ଅତୃପ୍ତ ପ୍ରାଣକୁ ଦେଇଥାଏ ସାନ୍ତ୍ୱନା

କୁଳୁକୁଳୁଛନ୍ଦେ ବହୁଥିବା ଝରଣା

ସପନ ରାଜନଅରେ ଝଲମଲ ଅଗଣା

ହୃଦ ଶିଳାଲିପିରେ ଖୋଦିତ ଯନ୍ତ୍ରଣା

ନିର୍ମଳ ଜଳବିନ୍ଦୁ ଟିଏ

ସେ ତ ଲୋତକ  l

ନୟନ କୋଣୁ ଝରୁଥାଏ 

ହୋଇ ସେ ଆନମନl

ଉଷୁମ ସ୍ପର୍ଶେ ଦେଇ ଆଶ୍ବସନା

କେବେ ଖୁସି  କେବେ ବେଦନା

ନିର୍ମଳ ଜଳବିନ୍ଦୁ ଟିଏ

ସେ ତ ଲୋତକ  l