ଭାଗ୍ୟରେ ଥିଲା ମୋ ଲେଖା

ତୋ ପାଖରେ ଆରମ୍ଭ ପ୍ରେମ

             ତୋ ପାଖରେ ଶେଷ

ସଞ୍ଜୀବନୀ ତୋତେ ଭାବିଥିଲି ସିନା

            ମନେ ତୋର ଥିଲା ବିଷ

ତୋ ଆଖିର ଇସାରା ଆଉ

             ତୋ ଓଠର ହସ

ବରଷା ଭାବି ଭିଜୁଥିଲି ସିନା

           ମନେ ଭରିଦେଲା ଶୋଷ

ତୋର ସେଇ ମିଠା ଆଳାପ

             ଭାବୁଛି ଯେବେ ମନେ

ଭାବେ ପୁଣି ଗୋଟେ ମିଛେଇ ଝିଅ

             ଭଲ ପାଉଥିଲା ଦିନେ

ତୋ ସ୍ମୃତି ଆଜି କନ୍ଦାଏ ମୋତେ

             ତୋତେ ହସାଏ ମୋ ଲୁହ

ପ୍ରେମକୁ ମୋର ବୁଝି ପାରିଲୁନି

            କେମିତି ବୁଝିବୁ କୋହ

ଛାଡି ଯାଇଥିଲୁ ଯେମିତି ପ୍ରିୟା

             ସେମିତି ଅଛି ମୁଁ ବଞ୍ଚି

ପ୍ରେମ ଦୀପ ଟିଏ ଜାଳୁ ଜାଳୁ ଆଜି

             ଲିଭେଇଲୁ ପାଣି ଛିଞ୍ଚି

କାଲି ବଞ୍ଚିଥିଲି ଏକା ଏକା ପ୍ରିୟା

              କାଲି ଠାରୁ ବି ମୁଁ ଏକା

ଭାବିନେବି ଯାହା ଘଟିଲା ମୋ ସାଥେ

              ଭାଗ୍ୟରେ ଥିଲା ମୋ ଲେଖା