ଏବେ ବି ଆଶା ଅଛି

ନିରବି ଯାଇଛି ହୃଦୟର ସ୍ୱର

କାହିଁକି ମୁଁ ଜାଣିନାହିଁ

ଭାଙ୍ଗି ଯାଉଥିଲେ ହୃଦୟ ଗୋଟିଏ

ଶବ୍ଦ କିଛି ଶୁଭେନାହିଁ I

ମରମ ତଳେ କେ କରିଥିଲା ଘର

ଆସିଥିଲା ମଉଜରେ

ଭାଙ୍ଗିଲା ହୃଦୟ ଖଣ୍ଡ ଖଣ୍ଡ କରି

ଧିରେ ଧିରେ ଅତି ଧିରେ I

ଲୁଚି ଲୁଚି ଖେଳ ଖେଳୁଥିଲା କିଏ

ଆନନ୍ଦ ମନରେ ବସି

କେତେକେତେ ହୃଦ ଭାଙ୍ଗି ଦେଉଥିଲା

ମନେ ମନେ ହୋଇ ଖୁସି I

ହୃଦୟ ବଦଳେ ହୃଦୟଟେ ମିଳେ

ଜାଣିଥିଲି ଯାହା ଦିନେ

ଆଜି ମୁଁ ଭାବୁଛି ଏତେ ସବୁ କଥା

ଶୁଣିଥିଲି ବୋଧେ ସ୍ୱପ୍ନେ I

ନର୍ଦ୍ଦମାର ଜଳ ସଫା ହେବ ଦିନେ

ମଇଳା ଉଭେଇ ଯିବ

କୁଳୁ କୁଳୁ ନାଦେ ପ୍ରୀତି ନିର୍ଝରିଣୀ

ମୋ ଆଗରେ ବହୁଥିବ I