କାର୍ତ୍ତିକ ଭୋଜନ

ମହାପୁଣ୍ୟ ମୟ ଅଟେ ଏ କାର୍ତ୍ତିକ ମାସ

କାର୍ତ୍ତିକେ ଭକ୍ଷଣ କେବେ ନକର ଆଇଁଷ l

ସର୍ବଦା ଆମିଷ ଭୋଜି ପକ୍ଷୀଟିଏ ବକ

ଏକାଳେ ଆମିଷ ତେଜି ପାଳଇ ପଞ୍ଚୁକ l

ଆମିଷ ଭୋଜନେ ସଦା ତମ ଗୁଣ ଜାତ

ଯଥା ସମ୍ଭବେ ଏହାକୁ କର ପରିତ୍ୟକ୍ତ l

ନଛାଡ଼ିପାରୁଛ ଯେବେ ଆମିଷ ଭୋଜନ

ଖାଲି ତେଜ ଏହା ପଞ୍ଚୁକର ପାଞ୍ଚ ଦିନ l

ସକାଳୁ ସକାଳୁ ଉଠି ସ୍ନାହାନ କରିବ

ଦାମୋଦର ଶ୍ରୀବିଷ୍ଣୁଙ୍କୁ ଜଳ ଅର୍ଘ୍ୟଦେବ l

ମୁଗ ଖେଚୁଡ଼ି ସାଙ୍ଗରେ ସିଝାଇବ ଓଲ

ଦରସିଝା ହେଲେ ପାଟି ହେବ ଗଲଗଲ l

ଚକଡ଼ି ଦେବ ତାହାକୁ ଦେଇ ଟିକେ ଖଟା

ସେଥିରେ ପକାଇଥିବ କଞ୍ଚା ଲଙ୍କା ଗୋଟା l

ଘିଅ ଖେଚୁଡ଼ି ହୋଇବ ପ୍ରାତଃ ଜଳଖିଆ

କୃଷ୍ଣଙ୍କୁ ଭୁଞ୍ଜାଉଥିଲେ ଯଶୋମତି ମାଆ l

ଦୁଇ ପ୍ରହରେ ଡାଲମା ଓ ଅରୁଆ ଭାତ

ଭାତରେ ପକାଇଦେବ ଅଳ୍ପ ଟିକେ ଘୃତ l

ଆକାଶ ଛୁଆଁ ହୋଇଛି ପରିବାର ଦାମ୍

ଅଳପେ ଅଳପେ ସାଧୁ ଚଳାଇବ କାମ l

ମାଟିଆଳୁ,ସାରୁ,ବୋଇତାଳୁ ଓଉଫଡା

ଡାଲମା କରିବ ପୁଣି ରାଇ ଶାଗ ଖଡ଼ା l

ରାତିରେ ଅଳପ ଖାଇ ଶୋଇବ ସଅଳ

ଆସିଲା ଏବେ ସକାଳୁ ଡଙ୍ଗାଭସା ବେଳ l

କାର୍ତ୍ତିକେ ପୁଣ୍ୟ ଅର୍ଜିବ ପୁଜି ନାରାୟଣ

ଛାଡ଼ଖାଇ ନ କରିବ ବଧି ଜୀବ ଗଣ l