କାର୍ଗୀଲ୍ ସହିଦଙ୍କୁ ମୋର ଶତ ସଲାମ

ଯେତେ ଯେତେ ଥର ମନେ ପଡେ ତୁମ 

ବୀର କଥା କୀର୍ତ୍ତିରାଜିର 

ସେତେ ସେତେ ଥର ମୁଣ୍ଡ ନଇଁ ଆସେ

ଆଖିରୁ ନିର୍ଗତ ଲୋତକ ଧାର ।1।

ନିଜ ରକ୍ତରେ ରଞ୍ଜିଥିଲ କାର୍ଗିଲର ଦେହ

ଶୁଣି, ମଥା ଉଠିଯାଏ ଗର୍ବରେ

ତୁମେ ସେଇ ଆମ ଭାରତ ମାଆର ସନ୍ତାନ

ଦେଶ ଭକ୍ତି ଜାଗ୍ରତ କର ମନରେ ।2।

ପିଠି ପଛ କରି ଆମ କାର୍ଗିଲରୁ ପଳାୟନ କଲେ

ଶତ୍ରୁ ଦେଶର ସନ୍ତ୍ରାସବାଦୀ ଓ ସୈନିକ

ତୁମେ ସେହି ବୀର ପୁତ୍ର ନିଜ ରକ୍ତ ଦେଇ

ଆମ ମାଆର ରଖିଲ ମାନ ଓ ଯଶ ।3।

ଆସ ପିଲାମାନେ ଆଜି ଦୀପଟିଏ ଜାଳି

ସହିଦଙ୍କ ନାଁ ରେ ଶପଥ ନେବା

ଦେଇ ନିଜ ଲହୁ - ଲୁହ ଜୀବନ ଯାକର

ଦେଶ ମାତୃକାର ମାନ ଯଶ ରଖିବା ।4।