Library
Profile
କାଳଜୟୀ ହୋଇ ରହିବ ଏ ଗାଥା, ତୁମ ଜୀବନ ହିଁ ତୁମର ବାରତା
କାଳଜୟୀ ହୋଇ ରହିବ ଏ ଗାଥା, ତୁମ ଜୀବନ ହିଁ ତୁମର ବାରତା
ମୋହନ ମହାନ
ଦାସ ଦେଶ ଜନ,
କରମ ର ଯୋଗୀ
ଚାନ୍ଦ ସୁଚନ୍ଦନ ।
ଗାନ୍ଧୀ ସୁଗନ୍ଧିତ
ବିଶ୍ୱରେ ବନ୍ଦିତ,
ରାଷ୍ଟ୍ର ଆତ୍ମାସମ
ହୃଦୟେ ସ୍ପନ୍ଦିତ ।
ତୁମରି ଆଦର୍ଶ
ବ୍ରତ ଏକାଦଶ,
ପାଳିବାକୁ ନିତ୍ୟ
ଅହିଂସା ଓ ସତ୍ୟ ।
ଅସ୍ତେୟର ଗୁଣ
ଚୋରି ନିବାରଣ,
ରାଗ ଦ୍ୱେଷ ଈର୍ଷା
ଏହାର କାରଣ ।
ଆତ୍ମ ନିୟନ୍ତ୍ରଣ
ଇନ୍ଦ୍ରିୟ ସଂଯମ,
ଏକାଗ୍ର ଅମୃତ
ବ୍ରହ୍ମଚର୍ଯ୍ୟ ବ୍ରତ ।
ଅପରିଗ୍ରହରୁ
ଭାବ ଅନାସକ୍ତ,
ଜୀବନର ସତ୍ୱ
ତ୍ୟାଗରୁ ପ୍ରାପତ।
ଶାରିରୀକ ଶ୍ରମ
ସଂକଳ୍ପ ଗ୍ରହଣ,
ଭୋଜନ କେବଳ
ଶରୀର ପୋଷଣ ।
ଦେଲ ଅନ୍ୟତମ
ସାଧନାର ଜ୍ଞାନ,
ସଦା ଓ ସର୍ବତ୍ର
ଭୟର ବର୍ଜନ ।
ପଥ ଯେ ଦୂର୍ଗମ
କରି ହୃଦଗମ,
ଆଚରିଲ ଭାବ
ସର୍ବ ଧର୍ମ ସମ ।
ଅସ୍ପୃଷ୍ୟତା ବ୍ୟାଧି
କଲ ଯେ ନିଦାନ,
ସ୍ୱଦେଶୀ ପ୍ରୟୋଗ
ସର୍ବ ସମାଧାନ ।
ନମ୍ର ବ୍ରତ ନିଷ୍ଠ
ବ୍ୟକ୍ତିତ୍ୱ ଗରିଷ୍ଠ ,
ଦେଇଗଲ କେତେ
ଶିଷ୍ୟ ଜନ ଶ୍ରେଷ୍ଠ ।
ତୁମ ଟୋପି ଘଡି
ଚଷମା ଓ ବାଡି,
ଚରଖା କଠଉ
ସବୁ ଗଲ ଛାଡି |
ତୁମ ଦେହ ମାଂସ
ରକ୍ତ ହାଡ କାଢି,
ଦେଶ ଏକତାରେ
ସବୁ ଦେଲ ବାଢି |
କାଳଜୟୀ ହୋଇ
ରହିବ ଏ ଗାଥା,
ତୁମ ଜୀବନ ହିଁ
ତୁମର ବାରତା ।
