-:କାଳିଆର ଲୀଳା:-
-:କାଳିଆର ଲୀଳା:-
କନ୍ଦର ମଧ୍ୟେ ଗୁପତେ ବିଶ୍ଵାବସୁ ସେବେ
କଲେ ଠାବ ବିଦ୍ୟାପତି ଲଳିତା ପ୍ରଭାବେ ।
କରି ଶ୍ରାଦ୍ଧ ଶ୍ରୀଗୁଣ୍ଡିଚା ଇନ୍ଦ୍ରଦ୍ଯୁମ୍ନେ ପ୍ରୀତ
କଳାନିଧି ମୋ ନୟନେ ହୁଅ ପ୍ରତିଭାତ ।୧।
କଳ୍ପତରୁ ସ୍ୱୟଂ ଷୋଳ କଳାର ଠାକୁର
କୁର୍ମ ଶୁକରାଦି କ୍ରମେ ଦଶ ଅବତାର ।
କଳ୍ପ ବୈକୁଣ୍ଠେ ରାଜିତ ଅମର ଅର୍ଚ୍ଚିତ
କଳାନିଧି ମୋ ନୟନେ ହୁଅ ପ୍ରତିଭାତ ।୨।
କଳାନିଧି ମହୋଦଧି ତୀରେ ନୀଳାଚଳ
କମ୍ବୁ କ୍ଷେତ୍ର ଅଧିିିିପତି ଭ୍ରାତ କାମପାଳ ।
କରପଦ ନଥାଇ ବି ଜଗତ ଧରିିିଛ
କଳାନିଧି ମୋ ନୟନେ ହୁଅ ପ୍ରତିଭାତ ।୩।
କୋଟି ପୁଷ୍ପ ଶିରେ ତବ ତୁଳସୀ ମହକ
କେକି ପୁଛ ଶୋହେ ନେତ ଶୀରି ଅପଲକ ।
କରେ ଦେବଦାସୀ ରାଧା ଭାବେ ନୃତ୍ୟ ଗୀତ
କଳାନିଧି ମୋ ନୟନେ ହୁଅ ପ୍ରତିଭାତ ।୪।
କାମନା କରନ୍ତେ ଭକ୍ତ ଦିଅ ଦରଶନ
କେତେ ବେଶ ଡାଳିକିିିଆ ଅବା ଗଜାନନ ।
କି ସୁଖ ଗୀତ ଗୋବିନ୍ଦେ ଜୟଦେବ କୃତ
କଳାନିଧି ମୋ ନୟନେ ହୁଅ ପ୍ରତିଭାତ ।୫।
କର ରଥଯାତ ପ୍ରଭୁ ଦୟିତା ମେଳରେ
କରାନ୍ତି ପହଂଡି ଭିଡି ରେଶମୀ ରଜ୍ଜୁରେ ।
କଳ୍ମଷ ଜନ ଉଦ୍ଧାରେ ପୁତ କରେ ନେତ
କଳାନିଧି ମୋ ନୟନେ ହୁଅ ପ୍ରତିଭାତ ।୬।
କାମିନୀ କାଂଚନ ଧନ ଆୟୁ ଯଶ ମାନ
କାମନା ଏହି ସଂପଦେ କିବା ପ୍ରୟୋଜନ !
କୈବଲ୍ୟ କଣିକା ଟିଏ ମିଳୁ ଆହେ ମିତ
କଳାନିଧି ମୋ ନୟନେ ହୁଅ ପ୍ରତିଭାତ ।୭।
କଳିର କଳୁଷ ବଢେ କଳାକର ପରି
କର ନାଶ ନରହରି କଳ୍କି ରୂପ ଧରି ।
କଳ୍ମଷ ସଂସାରୁ ପାରି କର ହେ ସାମନ୍ତ
କଳାନିଧି ମୋ ନୟନେ ହୁଅ ପ୍ରତିଭାତ ।୮।
majhibisweswar@gmail.com
M: 9437697161