କାଳ ଘୂରୁଅଛି ଘାଇଁଘାଇଁ

କାଳ ଘୂରୁଅଛି ଘାଇଁଘାଇଁ ରେ, ମନୁଆ ବାଇ

ଜନ୍ମ ମରଣ ଚକ୍ରକୁ ନେଇରେ... ମନୁଆ ବାଇ ।

କାଳ ଚକ୍ରତାଳେ ଭାଗ୍ୟ ଯେ ବଦଳେ

   ବଡ଼ ହୋଇଯାଏ ସାନ

ରାଜ ଚକ୍ରବର୍ତ୍ତୀ ହୁଅଇ ଭିକ୍ଷାର୍ଥୀ

    ଭିକ୍ଷାର୍ଥୀ ହୁଏ ରାଜନ

କାର ବଡ଼ପଣ ରହିନାହିଁ ରେ, ମନୁଆ ବାଇ ।

ଜନକ ନନ୍ଦିନୀ ଲଙ୍କାରେ ବନ୍ଦିନୀ

     ବିଭୀଷଣେ ରାଜଛତ୍ର

 ହରିଶ୍ଚନ୍ଦ୍ର ରାଜା ମଶାଣିରେ ଖଞ୍ଜା  

     ବିକିଦେଇ ପତ୍ନୀ ପୁତ୍ର

ବଳୀ ପାତାଳ ପୁରେ ଗମଇ ରେ, ମନୁଆ ବାଇ ।

ଚକ୍ରବର୍ତ୍ତୀ ନଳ ହରାଇ ସମ୍ବଳ

     କାଟୁଥିଲେ ଘୋଡ଼ା ଘାସ

ଯୁଧିଷ୍ଠି ରାଜନ ବନରେ ଭ୍ରମଣ

     ବ୍ରହ୍ମଶାପେ ସଉଦାସ

ଚିର କୁମାର ଗଙ୍ଗା ତନୟୀ ରେ, ମନୁଆ ବାଇ ।

ସମୟ କାହାକୁ ଅପେକ୍ଷା କରେନା

        କାହାକୁ ନଦିଏ ଧରା

ସମୟ ହାତରେ ଖେଳନା ପ୍ରକାରେ

      ନାଚୁଅଛି ସସାଗରା

ସର୍ବଗ୍ରାସୀ ଶକ୍ତିମାନ ସେହିରେ, ମନୁଆ ବାଇ ।