କାଇଁ ବସିଛ ପ୍ରଭୁ ନୀରବରେ

 

କାଇଁ ବସିଅଛ ଆଜି ନୀରବରେ

   ଦିଶୁନାହିଁ ଏ ସଂସାର ଦୁଃଖ 

ଏ ସ୍ରୁଷ୍ଟି ଆଜି ହେଉଅଛି ଅଥୟ 

   ବସି ତୁମେ ସବୁ ଦେଖୁଅଛ ।

ତୁମେ ଯଦି ଦୁଃଖ ନ ଶୁଣିବ ପ୍ରଭୁ

  କିଏ ବା ଏହି ସୃଷ୍ଟିକୁ ରଖିବ

ନିରବେ ରହିଲେ ରତ୍ନ ସିଂହାସନେ

  ସଂସାରକୁ ଆଉ କିଏ ତାରିବ ।

   

ଅଦ୍ଭୁତ ଘଟଣା ଘଟୁଅଛି ନିତି

ଚାରିଆଡ଼େ ଖାଲି ଲୁହ ହିଁ ଲୁହ  

କେମିତି ମୁକୁଳିବ ଏହି ଜଗତ 

  କହିଦିଅ ପ୍ରଭୁ ଜଗତ ନାଥ  ।

ବାପ ଥାଉ,ଥାଉ ପୁଅ ଯାଉଛି ମଶାଣି

   ଏକି ପ୍ରଭୁ ତୁମ ଭାବର ଲୀଳା  

ଏହି ତୁମ ବିଚାର ଏହି ତୁମ ଖେଳ

 ତମେ ଥାଉ,ଥାଉ ବୁଡୁଛି ଭେଳା ।