ଜ୍ୟେଷ୍ଠ ପୁର୍ଣିମା

ଆଜି ପରା ଜ୍ୟେଷ୍ଠ ପୁର୍ଣିମା ଦିନ

ସ୍ନାନ ମଣ୍ଡପରେ ହୋଇବେ ସ୍ନାନ

ରତନ ବେଦୀରୁ ସ୍ନାହାନ ମଣ୍ଡପ

ବିଜେ କରିଛନ୍ତି ଚତୁର୍ଦ୍ଧା ରୂପ ।

ସ୍ନାହାନ ବେଦିରେ ପ୍ରଭୁ ଦର୍ଶନ

ଦେଖି ହଜି ଯାଏ ସବୁରି ମନ

ଶହେ ଆଠ ଗରା ପାଣିର ପ୍ରକୋପ

ସହି ନପାରନ୍ତି ସେ ବିଶ୍ଵରୂପ ।

ସୁନା ରୁପା କୂଅ ବରଷେ ଥରେ

ଲାଗିଥାନ୍ତି ଆଜି ପ୍ରଭୁ ସେବାରେ

କେଉଁ ଜନମରୁ କେତେ କେତେ ତପ

ଶ୍ରୀ ଅଙ୍ଗୁ ଛଡ଼ାନ୍ତି ଗ୍ରୀଷମ ତାପ ।

ସେଠାରୁ ଯାଆନ୍ତି ସେ ଅଣସରେ

ଫୁଲୁରୀ ତଇଳ କେତେ ବାସରେ

ଘସା ମରଦନେ ବିଗ୍ରହର ତାପ

ଧୀରେ ଅବସାନ ଜ୍ୱର ପ୍ରକୋପ ।