ଜୟ ପ୍ରଭୁ ଓଁକାରନାଥ

     ଜୟ ପ୍ରଭୁ ଓଁକାରନାଥ
       ============
ଜୟ ଜୟ ଜୟ ପ୍ରଭୁ
              ଶ୍ରୀ ଓଁକାରନାଥେ l
ବିଜୟ କରିଲ ପୂଣ୍ୟ
                ନର୍ମଦାର ତଟେ ll
ତୁମ୍ଭର ମହିମା ଯାହା
                 ପୁରାଣ ବାଖାଣି l
ଶିବଙ୍କୁ ଲଭିବାପାଇଁ
              ମା' ବିନ୍ଧ୍ୟବାସିନୀ ll
 ଦୁଇଗୋଟି ଲିଙ୍ଗ ଗଢ଼ି
                ଭକ୍ତିରେ ପୂଜିଲେ l
ପ୍ରୀତ ହୋଇ ଶଙ୍କର
        ମାଆଙ୍କୁ ଦେଖା ଦେଲେ ll
ଏକ ଲିଙ୍ଗ ତହୁଁ ହେଲା
                 ଶ୍ରୀ ଓଁଙ୍କାରେଶ୍ୱର l
ଦ୍ଵୀପେ ବିଜେ କରିଛନ୍ତି
                  ଓଁକାର ଆକାର ll
 ଆନ ଲିଙ୍ଗ ବୋଲାଉଛି
                  ଶ୍ରୀ ଅମଲେଶ୍ୱର l
ନର୍ମଦା ଅପର ପାର୍ଶ୍ୱେ
                   ସ୍ଥିତି ଯାହାଙ୍କର ll
 ଗୋବିନ୍ଦପାଦ ଗୁମ୍ଫାରେ
                  ବିନ୍ଧ୍ୟ ପରବତେ l
ବିଜୟ ଶଙ୍କର ଜୟ
                ଶ୍ରୀ ଓଁକାରନାଥେ ll
 ତୁମ୍ଭଙ୍କୁ ପୂଜିଲେ ଈକ୍ଷାକୁ
                      କୁଳ ନରେଶ l
ମାନ୍ଧାତା ଓ ମୁଚୁକୁନ୍ଦ
                  ରାଜା ଅମ୍ବରୀଶ ll
 ତୁମ୍ଭ କୃପାରୁ ସମସ୍ତେ
                ପାଇଗଲେ ମୋକ୍ଷ l
ତୁମ୍ଭେ ଆଶୁତୋଷ ପ୍ରଭୁ
                 ସ୍ଵୟଂଭୂ ପ୍ରତ୍ୟକ୍ଷ ll
 ଲକ୍ଷ ଲକ୍ଷ ପର୍ଯ୍ୟଟକ
                   ଆସି ପ୍ରତିଦିନେ l
କୃପା ଲଭୁଛନ୍ତି ତବ
                  ଦିବ୍ୟ ଦରଶନେ ll
 ପ୍ରଣବ ଓଁକାର ନାଦ
                ତୁମ୍ଭେ ହେ ଓଁକାର l
ମହିମା ତୁମ୍ଭର ଅଟେ
                    ଅନନ୍ତ ଅପାର ll
 ଜୟ ଜୟ ଜୟ ଜୟ
                 ଜୟ ଭୋଳାନାଥ l
ଭୋଳେ ଜଣାଉଛି ପ୍ରଭୁ
                  କୋଟି ଦଣ୍ଡବତ ll
             🙏🙏🙏
                 ଅର୍ଜୁନୀ
                -------------
ଅର୍ଜୁନୀ ଚରଣ ବେହେରା
ମୋ -7693091971