ଜୟ ମାଆ କନକେଶ୍ୱରୀ

ମନ୍ଦାର ମାଳିନୀ ସିନ୍ଦୂର ଶୋଭିନୀ

               ଜୟ ମାଆ କନକେଶ୍ୱରୀ

 ଦ୍ୱାଦଶ ଭୂଜକୁ ପ୍ରସାରୀ ଦିଅ ମାଆ   

                ଦୁଃଖ ଯାଉ ଅପସରି ।

ଦୁର୍ଗତି ନାଶିନୀ ଜଗତ ଜନନୀ

                ଆଦ୍ୟାଶକ୍ତି, ମାହେଶ୍ୱରୀ

ଆପଦେ ବିପଦେ ସାହା ହୁଅ ମୋତେ

                ବିନୀତେ କରେ ଗୁହାରି।

କୋଦାଳକ ଗଡ଼ ବାସିନୀ, ଚିନ୍ମୟୀ

                ସର୍ବଶକ୍ତିମୟୀ,ଗୌରୀ

ଦଳନ କର ମା ଅସୁର ରୂପରେ

                ଯେତେଛନ୍ତି ଦୂରାଚାରୀ ।

ମନୁ ମୋର ନାଶ ଭୟ, ଈର୍ଷା, ଦ୍ୱେଷ

                 ଭରି କରୁଣାର ବାରି

ଦିନଯାଉ ବିତି ଭଦ୍ରା, ସରସ୍ୱତୀ

                 ଦୁର୍ଗାନାମ ନିତି ସ୍ମରି ।