ଜୟ ମା ସର୍ବମଙ୍ଗଳା
ଜୟ ମା ସର୍ବମଙ୍ଗଳା
ବ୍ରହ୍ମାଙ୍କ ସୃଷ୍ଟିର ସର୍ଜନା ସମୟେ
ମହା ଶୂନ୍ୟେ ଶୁନ୍ୟ ଆଶା
ମା ମଙ୍ଗଳାଙ୍କ ଆବିର୍ଭାବ ସହସା
ଉଦ୍ରେକ ସାହା ଭରସା
କାର୍ଯ୍ୟ ସିଦ୍ଧି ଉଦ୍ୟେଶରେ ଆବିର୍ଭୁତା
ମହାମାୟା ମହାଶକ୍ତି
ଦେବତାଙ୍କ ଅସହାୟ ଅବସ୍ଥାରେ
ଭରଷା ହିଁ ମାତୃଶକ୍ତି
ସତ୍ୟ ଯୁଗେ ଦୈତ୍ୟ ଗଣ ଉତ୍ପାତ ରେ
ଅସହାୟ ଦେବଗଣ
ଦେବୀ କୃପା ବଳେ ସ୍ୱର୍ଗପୁର ରକ୍ଷା
ବିଜୟ ପର୍ବ ପାଳନ
ଦ୍ଵାପର ରେ ଦେବୀ ଯୋଗ ମାୟା ଶକ୍ତି
ଦେବକୀ ଗର୍ଭ ହରଣ
ରୋହିଣୀ ଗର୍ଭରେ ହୋଇଲା ରୋପଣ
ଯୋଜନା ହେଲା ଭିଆଣ
ତ୍ରେତୟାରେ ସିତା ମାତା ଆରାଧନା
ପୁଷ୍ପ ଧନୁ ପ୍ରଦାନ ରେ
ପୁଷ୍ପ ଧନୁ ଦ୍ଵାରା ଶ୍ରୀରାମ ବିଜୟୀ
ରାବଣ ମୃତ ଅଚିରେ
ଚିତ୍ ଶକ୍ତି-ଗୁଣାତିତା ପୁଣି ଗୁଣମୟୀ
କ୍ରୋଧାନ୍ୱିତା ତମଃ ଶକ୍ତି
ଅସହାୟ ଦେବଗଣ ପ୍ରାର୍ଥନାରେ
ସହାୟକ ଦୈବୀ ଶକ୍ତି
ଉମା କାତ୍ୟାୟନୀ ଗୌରୀ ପୁଣି କାଳୀ
ଇଶ୍ୱରୀ ଓ ହୈମବତୀ
ଅପର୍ଣ୍ଣା ଅମ୍ବିକା ଦୁର୍ଗା ଓ ମୃଡାନୀ
ଚଣ୍ଡିକା ଏବଂ ପାର୍ବତୀ
କାତ୍ୟାୟନୀ ତେଜସ୍ଵିନୀ ମହାଶକ୍ତି
ମାଆ କ୍ଷମା ସ୍ୱରୁପିଣୀ
ମଙ୍ଗଳା ସର୍ବମଙ୍ଗଳା ଶକ୍ତିଦାତ୍ରୀ
ମାଆ ଜଗତ ଜନନୀ
ବ୍ରହ୍ମାଙ୍କୁ ଦିଗ୍-ଦର୍ଶନ ପ୍ରଦାନ ରୁ
ମା ବାଟ ମଙ୍ଗଳା ନାମ
ବିବସନା ସୁତ୍ର ଦୁର୍ଗାଙ୍କୁ ଚେତାଇ
ଦୈତ୍ୟ ହୋଇଥିଲେ ଭସ୍ମ
ସୃଷ୍ଟି ପ୍ରାରମ୍ଭରୁ ଆଦ୍ୟାଶକ୍ତି ରୂପେ
ଯୋଗମାୟା ବ୍ରହ୍ମଶକ୍ତି
ମହାମାୟୀ ମହାଶକ୍ତି ବ୍ରହ୍ମଶକ୍ତି
ମାତୃଶକ୍ତି ଦୈବୀ ଶକ୍ତି
ସୃଜନ ସମୟେ ମହାସରସ୍ଵତି
ମହାଲକ୍ଷ୍ମୀ ପାଳନରେ
ମହାକାଳୀ କାତ୍ୟାୟନୀ ଚଣ୍ଡୀ ଦୁର୍ଗା
ବିନାଶ ର ସମୟରେ
ଶକ୍ତି ସ୍ୱରୁପିଣୀ,ମଙ୍ଗଳ ଦାୟିନୀ
ଦେବୀ ଦେବତା ନିମନ୍ତେ
ମଧୁ କୈଠଭ, ମହିଷା,ଶୁମ୍ଭ ନିଶୁମ୍ଭ
ପ୍ରାଣ ନାଶ କରି ହାତେ
ଜଗତ ଜନନୀ,ଶିବାନୀ, ଭବାନୀ
ମାଆ ସଙ୍କଟ ହାରିଣୀ
ଶକ୍ତି ସ୍ୱରୁପିଣୀ,ଦୁର୍ଗତି ନାଶିନୀ
ଦୁର୍ଗା ମହିଷା ମର୍ଦିନୀ
ଭିନ୍ନ ଭିନ୍ନ ସ୍ଥଳେ,ଭିନ୍ନ ଭିନ୍ନ ନାମ
ବିଖ୍ୟାତ ହୋଇଛି ନାମ
ଶକ୍ତି ପୀଠ ପୁଣି ଗାଆଁ ଠାକୁରାଣୀ
ମହିମା ହିଁ ଅନୁପମ
ଉଗ୍ରତାରା ,ଭଗବତୀ, ନାରାୟଣୀ
ଭୈରବୀ ତାରା ତାରିଣୀ
ସାରଳା କମଳା ବିମଳା ତାରିଣୀ
କାଳିଜାଇ ଠାକୁରାଣୀ
ଶିବ ପ୍ରାଣ ପ୍ରିୟା,ଖର୍ପର ଧାରିଣୀ
ବିରଜା ସିଂହବାହିନୀ
ଅଷ୍ଟାଦଶ ଭୁଜା ମହାମାୟା କାଳୀ
ଦେବୀ ଦୁର୍ଗତିନାଶିନୀ
ଏ ଧରାରେ ପାପ କଳୁଷ ର ଭାର
ଅନ୍ୟାୟ ର କାରବାର
ହଟାଇବା ସାହାସ ନାହିଁ କାହାର
ବଢ଼ି ଚାଲେ ପାପ ଭାର
ତୁମେ ହିଁ କେବଳ ଜଗତର ମାଆ
ଚରଣେ ଦିଅ ଶରଣ
ସର୍ବ ମଙ୍ଗଳା ମାଆ ମଙ୍ଗଳ-କାରୀ
ତୁମ ନାମ ହିଁ ମହାନ
ବିଭିନ୍ନ ପ୍ରାନ୍ତରେ ଭିନ୍ନ ନାମ ବହି
ମଙ୍ଗଳ ଚିନ୍ତାରେ ମଙ୍ଗଳା
ଅସହାୟ ଭକ୍ତ ଡାକେ ମାଆ ମାଆ
ମଙ୍ଗଳା ସର୍ଵମଙ୍ଗଳା ।।