ଜୟ ମା ଦୁର୍ଗା
ଜୟ ମା ଦୁର୍ଗା
ଜୟ ଜୟ ଦୁର୍ଗା ମାତା ଗୋ
ଜୟ ସିଂହ ବାହିନୀ
ସନ୍ଥ ପାଳି ଦୃଷ୍ଟ ବିନାଶ
କରୁ ଜଗଜ୍ଜନନୀ ।
ସଂସାର ମଙ୍ଗଳ ପାଇଁ ମା
ହେଲୁ ଅଗ୍ନି ସମ୍ଭୁତା
ଦେବତାଙ୍କ ଦୁଃଖ ହରିଲୁ
ହୋଇ ତୁ ପ୍ରକଟିତା।
ସର୍ବ ଦେବାଦେବୀ ଆୟୁଧ
ତୋତେ କରିଲେ ଦାନ
ପ୍ରବଳ ପ୍ରତାପୀ ମହିଷା
ମା' ଗୋ କଲୁ ନିଧନ ।
ଶିବାନୀ,ଭବାନୀ ,ରୁଦ୍ରାଣୀ
ମା ଗୋ ଦୈତ୍ୟ ନାଶିନୀ
ଚଣ୍ଡମୁଣ୍ଡ ବିନାସିନୀ ଲୋ
ତୁ ଦୁର୍ଗତି ନାଶିନୀ ।
ସାହା ହୁଅ ସାହା ହୁଅ ମା
ଭାସିଲୁ ଭବଜଳେ
ଏ ସାରା ସଂସାର ଆଜି ମା
ମହାମାରୀ କବଳେ ।
କର ତୁ ଉଦ୍ଧାର ଜନନୀ
ମହାମାରୀ ଦୂରେଇ
ତୋ ପାଦେ ଶରଣ ଗଲି ମା
ତୋର ନାମକୁ ଧ୍ୟାୟୀ ।