ଜୟ ଜୟ ଗଣ ନାଥ

ଜୟ ଜୟ ଗଣନାଥ ଗଉରୀ ନନ୍ଦନ 

ବିଦ୍ୟାଦାତା ଅଗ୍ରପୂଜ୍ୟ ବିଘ୍ନ ବିନାଶନ 

ଲମ୍ବୋଦର ହେ

ମୂଷିକ ବାହନ ତ୍ରାହି କର ହେ ।

ମାତୃଭକ୍ତ ମହାଜ୍ଞାନୀ ପ୍ରଭୁ ଏକଦନ୍ତ 

ଭଗ୍ନ ଦନ୍ତେ ଶାସ୍ତ୍ର ଲେଖା କରିଲ ସମାପ୍ତ 

ରିଦ୍ଧିବର ହେ

ରୁଦ୍ରଙ୍କ ସାଥେ କଲ ସମର ହେ ।

ମାତାଙ୍କ ଆଜ୍ଞାକୁ ପାଳି ଦୁଆର ଜଗିଲ

ଭୋଳା ମହେଶ୍ୱରଙ୍କୁ ଯେ ବାଟ ନ ଛାଡିଲ 

ମହାବଳୀ ହେ

ମସ୍ତକକୁ କାଟିଲେ କପାଳି ହେ ।

ପିତାଙ୍କ ଆଦେଶେ ଗଜ ମସ୍ତକ ଲଭିଣ 

ତିନି ଲୋକେ ବୋଲାଇଲ ତୁମେ ଗଜାନନ 

କେହୁ ଆନ ହେ

ତୁମ ବିନା ବିଘ୍ନ କରେ ନାଶନ ହେ ।

ମାତାଙ୍କ ଅଙ୍ଗ ମଳିରୁ ହୋଇଲ ଜନମ 

ବିନାୟକ ମହୋତ୍କଟ ପୁଣି ହେଲା ନାମ 

ନାନା ନାମରେ

ଲୀଳାକୁ ରଚିଲ ଧରା ଧାମରେ ।

ପିତା ମାତା ଠାରୁ ଆଉ ବଡ଼ କେହି ନାହିଁ 

ଏହି ସତ୍ୟ ସଂସାରକୁ ଦେଲ ତୁମେ କହି 

ପରିକ୍ରମଣ 

କରି ରଖିଥିଲ ତୁମ ଟାଣ ହେ।