ଜୟ ଭଗବତୀ ଗଙ୍ଗେ

ନମସ୍ତେ ଦେବୀ ସୁରେଶ୍ୱରୀ l

              ଧରା ମଣ୍ଡଳେ ଅବତରି ll

ନମସ୍ତେ ମାତ ଭଗବତୀ l

           ତିନି ପୁରରେ ତୋର ଗତି ll

ଭୀଷ୍ମ ଜନନୀ ନମୋସ୍ତୁତେ l

      ତୋତେ ଆଣିଲେ ଭଗୀରଥେ ll

ବିଷ୍ଣୁଙ୍କ ନଖ କୋଣେ ଥିଲୁ l

             ପାବନୀ ଧରାକୁ ଆସିଲୁ ll

ଜହ୍ନଙ୍କ ଜାନୁରୁ ମୁକତ l

         ଜାହ୍ନବୀ ସଂସାରେ ବିଖ୍ୟାତ ll

ନମସ୍ତେ ପତିତପାବନୀ l

             ମା' ରଘୁକୁଳର ପାବନୀ ll

ଗଙ୍ଗେ ମା' ତ୍ରିପୁର ପ୍ଲାବିନୀ l

              ଶଙ୍କର ଜଟା ବିହାରିଣୀ ll

ତୋ ପୂତବାରି ସ୍ପର୍ଶ କରି l

             ଦୂରିତ ନରହଇ କାହାରି ll

ଗଙ୍ଗାଙ୍କ ନାମ ସୁମରଣ l

               ଅଶେଷ ପାତକ ଦହନ ll

ସୁର ଦୀର୍ଘିକା ସୁର ନଦୀ l

              ବହୁ ମା ତ୍ରିପୁରକୁ ଭେଦି ll

ଜୟ ଭାରତୀ ମାଆ ଗଙ୍ଗେ l    

            ବହୁ ମା' ଉଚ୍ଛଳ ତରଙ୍ଗେ ll

ଆର୍ଯ୍ୟ ଜନନୀ ନମୋସ୍ତୁତେ l

         ହର ପାତକ ମୋର ଯେତେ ll