Library
ଜୟ ଭାରତ
ଜୟ ଭାରତ
ବନ୍ଦେ ଉତ୍କଳ ଜନନୀ ବନ୍ଦେ ମୋ ଜନମ ଭୁମି
ଧନ୍ୟ ହୋଇଛି ମାଆ ତୋର କୋଳେ ଜନମି ।
ଏ ତର୍ପଣ ର ଭୂମି ଏ ଅର୍ପଣ ର ଭୂମି
ଏକତାର ବାର୍ତ୍ତା ବହି ବୀର ପ୍ରଶବିନି।
ମଙ୍ଗଳ ପାଣ୍ଡେ ଜାଳିଲେ ବିପ୍ଳବର ନିଆଁ
ସେହି ନିଆଁ ଖେଳି ଗଲା ସାରା ଦୁନିଆଁ ।
ଅହିଂସାର ଅସ୍ତ୍ର ଧରି ଆମ ବାପୁଜୀ
ସ୍ୱର୍ଣ୍ଣାକ୍ଷରେ ଲିପି ବଦ୍ଧ ହୋଇ ରହିଛି ।
ନେତାଜୀ ଡାକରା ଦେଲେ ଦିଅ ମୋତେ ରକ୍ତ
ମୁଁ ଗଢି ଦେଖାଇବି ସ୍ୱାଧୀନ ଭାରତ ।
ଛୋଟପିଲା ଟିଏ ପୁଣି ବାଜି ରାଉତ
ଚରଣେ ତାଙ୍କର ମଥା କରୁଛୁ ନତ ।
ଗ୍ରାମ ନୀଳ କଣ୍ଠ ପୁର ଢେଙ୍କାନାଳ ଜିଲ୍ଲା
ବାଜି ରାଉତ ବାର ବରଷର ପିଲା ।
ଇଂରେଜଙ୍କୁ ଦେଲେ ନାହିଁ ଦେଶେ ପୁରାଇ
ଶେଷରେ ଗୁଳିରେ ଦେଲେ ପ୍ରାଣହରାଇ ।
ବ୍ରlହ୍ମଣୀ ନଦୀ ସାଜିଲା ରକତ ନଦୀ
ଛାଡି ନାହାନ୍ତି ବାଜି ତାଙ୍କର ଜିଦି ।
ଡରରେ ଇଂରେଜ ଛାଡି ଗଲେ ପଳାଇ
ଯୁଗ ଯୁଗକୁ ରହିଲେ ଅମର ହୋଇ ।
ଦେଶ ପାଇଁ ଦେଲେ ନିଜ ଜୀବନ ପ୍ରାଣ
ଭାରତ ମାଆର ସୁଯୋଗ୍ୟ ସନ୍ତାନ ।
କେତେ କେତେ ବୀର ଜନ୍ମି ରଖିଲେ ଯଶ
ବୀରପ୍ରଶବିନୀ ଆମ ଭାରତ ବର୍ଷ ।
ଗାନ୍ଧୀ ପରି ପୁଅ ଇନ୍ଦିରା ସମ ଝିଅ
ଏହି ଦେଶେ ଜନମିଲେ ସାମାନ୍ୟ ନୁହଁ ।
ଭଗତ ସିଂ ପୁଣି ମଧୁସୂଦନ
ଲାଲା ଲଜପତ ସୁଯୋଗ୍ୟ ସନ୍ତାନ ।
ଆସ ଆସ ସର୍ବେ ମିଶି ନେବା ଶପଥ
ଦେଶ ପାଇଁ ମିଶାଇବା ହାତରେ ହାତ ।
ମାତୃ ଭୁମି ପାଇଁଦେବା ଜୀବନ ପ୍ରାଣ
ରଖିବା ରଖିବା ଆମେ ତ୍ରିରଙ୍ଗା ଟାଣ ।
ସ୍ୱାର୍ଥ ତ୍ୟାଗ କରି ଦେବା ଜୀବନ ଢାଳି
ଅହିଂସାର ଅସ୍ତ୍ର ଆମେ ହାତରେ ଧରି ।
ତ୍ରିରଙ୍ଗା ଉଡ଼ିବ ଆମ ଫର ଫର ହୋଇ
ସ୍ୱାଧିନତା ମନ୍ତ୍ର କାନେ କାନେ ଯିବା ଗାଇ ।
ବନ୍ଦେ ଉତ୍କଳ ମାତା ବନ୍ଦେ ଭାରତ
ବନ୍ଦେ ବୀର ଯବାନ ହେ ଦେଶ ଭକ୍ତ ।
କୋଟି କୋଟି ଦଣ୍ଡବତ ଚରଣେ ତୁମ
ତୁମେ ହିଁ ଆଲୋକ ଉଚ୍ଛ ପ୍ରେରଣା ଆମ ବନ୍ଦେ ମାତରମ ।
