ଜୁଲି ବସ୍ତାନି କାନ୍ଦୁଛି
ଜୁଲି ବସ୍ତାନି କାନ୍ଦୁଛି
ସକାଳୁ ଆଜି ମୁଁ ଖୋଲିପକେଇଲି
ଘରର ଦରଜା ଯେବେ
ଶୁଣି ଦେଲି କେହି କାନ୍ଦିବାର ଶବ୍ଦ
ଚମକି ପଡ଼ିଲି ବେଗେ ।
ହଠାତ୍ ପଡ଼ିଗଲା ନଜରଟା ମୋର
ଜୁଲି ସ୍କୁଲ୍ ବସ୍ତାନିରେ
ବାହୁନି ବାହୁନି କାନ୍ଦୁଅଛି ସେଇ
ଝୁରୁ ଅଛି ଭାରି ମନେ ।
ଅ ,ଆ ଛାଡୁଛନ୍ତି ଭେଁ ଭେଁ ରଡ଼ି
ଇ, ଈ କଇଁ କଇଁ
ଉ, ଊ ମାନ ମାରି ବସିଛନ୍ତି
ୠ ,ୠ ରହିଛନ୍ତି ଚାହିଁ ।
ଏ, ଐ ଭାରି ଲାଗିଛନ୍ତି କଳି
ଓ,ଔି ଯାଇଛନ୍ତି ରୁଷି
କ,ଖ ଅଭି ମାନ କରିଛନ୍ତି
ଗ ଘ ଭାରି ଖୁସି ।
ଙ,ଚ,ଛ ମିତ ବସି ଯାଇ
ଦୁଃଖ ସୁଖ ହେଉଛନ୍ତି
ଜ ,ଝ,ଞ ତାଙ୍କ କଥା ଶୁଣି ଶୁଣି
ବହୁ ମନ କଷ୍ଟ କରୁଛନ୍ତି ।
ଏମିତି ସଭିଏଁ ମନ ଉଣା କରି
ଯେଝା ଜାଗେ ରହିଛନ୍ତି
ଜୁଲି ବଡ଼ ହେଲା ସ୍କୁଲ୍ ଯାଉନାହିଁ
ସଭିଏଁ ଗୁମୁରି ଯେ କାନ୍ଦୁଛନ୍ତି ।