ଜନତା ପଚାରେ ପ୍ରଶ୍ନ

ଆଖିଛୁଇଁ ସତ କହି ପାରିବେ କି ଆମ ନେତା ବନ୍ଧୁଗଣ,

ଅସଲ ଗରିବ ଇନ୍ଦିରା ଆବାସ ପାଇଛନ୍ତି କେତେଜଣ ?

ଗାଆଁ ଟାଉଟର ଅଫିସର ମିଶି କେତେ ନେଉଛନ୍ତି ଲାଞ୍ଚ,

କେତେଜଣ ଧନୀ ଗରିବର ଭାଗ ନେଉଛନ୍ତି କହି ମିଛ |

ପୁରୀପଣ୍ଡା ଭାଇ ପାରିବେ କି କହି ମନ୍ଦିରରେ ପଶେ ଯିଏ ?

ଦାଢ଼ିକଟା ଲୋକ ହିନ୍ଦୁ କିବା ନୁହେଁ ତାକୁ ବା ଚିହ୍ନୁଛି କିଏ ?

ରଙ୍ଗ-ରୂପ ଦେଖି ଅଣହିନ୍ଦୁ କହି ଭକ୍ତଙ୍କୁ ତଡୁଛି ସିନା,

ଅସଲ ଲୋକ ତ ଗୁପତେ ପଶୁଛି ଦେଇ କିଛି ଟଙ୍କା ସୁନା ?

ଅଫିସର ଭାଇ କହି ପାରିବେ କି ହୃଦୟ ଅଛି ତାଙ୍କର,

ବେପାରୀ ଭାଇ ମୋ କହିଦିଅ ସତ ନ ଠକି କର ବେପାର ?

ସମାଜ ସେଵୀର ମାତୃଭୂମି ପ୍ରତି ରହିଛି ମମତା କେତେ ?

ଶିକ୍ଷା-ସ୍ୱାସ୍ଥ୍ୟକର୍ମୀ ନିଜର କର୍ତ୍ତବ୍ୟ ପାଳନ୍ତି କି ବିଧି ମତେ ?