ଜଳ

ଜଳ ହିଁ ଜୀବନ ଜଳ ହିଁ ପରାଣ

ବଞ୍ଚିବାର ମୁଖ୍ୟ ଉପାଦାନ

ଆଗକୁ ସଙ୍କଟ ରୋକିବାକୁ ଆମେ

କରୁଅଛୁ ଦିବସ ପାଳନ 

ଜଳ ପ୍ରକୃତି ମାତାଙ୍କ ମହନୀୟ ଦାନ

କଲୁ ପରିବେଶ ପ୍ରଦୂଷଣ

ଅପବ୍ୟୟ କରୁଥିବା ଯେବେ ଆମେ

ନିଶ୍ଚେ ଭୋଗିବା ତା ପରିଣାମ

ସବୁ ଅଟେ ସମୟର ଖେଳ

କେହି କାହାକୁ ରଖି ପାରିବେନି 

ବାନ୍ଧିନେବ ଆସି ଦିନେ କାଳ

ସମ୍ପତି କ୍ଷମତା ସୌନ୍ଦର୍ଯ୍ୟ ନୁହେଁ

ସତକର୍ମ ଧର୍ମ ଏକା ଆମ ବଳ

ସଂସାରେ ରହିଛି ପ୍ରବାଦ ସବୁକାଳ

ଆଜି ନହେଲେ ବି ନିଶ୍ଚୟ କାଲି

ଭୋଗିବା ନିଜ ଅର୍ଜିତ କର୍ମଫଳ

ମହୋଦଧି କୂଳେ ମାୟାଧର

ଖେଳୁଛନ୍ତି ଲୁଚକାଳି ଖେଳ

ଧର୍ମ ଅଧର୍ମ ପରଖୁଛନ୍ତି ସେ

ଶ୍ରେଷ୍ଠ ବିଚାରପତି ସଂସାରର

ସବୁ ଭୁଲ କର୍ମ ପାଇଁ ଦଣ୍ଡ ଅଛି

ଚେତାଇ ଦିଅନ୍ତି ବାରମ୍ବାର

ତଥାପି ବୁଝେନି ମନ ମୋର 

ଆହେ ମହାପ୍ରଭୂ କ୍ଷମା କର

ଜଳ ସଙ୍କଟ ଭଳି ଦୁଃଖଦୁର୍ଦ୍ଦଶାରୁ

ରକ୍ଷାକର ରକ୍ଷାକର

ଆହେ ଚକ୍ରଧାରୀ ଚକ୍ରଧର