ଜଳ କରିବା ସଂରକ୍ଷଣ

ବିଶ୍ୱରେ ଭରିଛି କ୍ଷୁଦ୍ରରୁ ବୃହତ, ନାନା ଜାତିର ସୁମନ,

ତା ମଧ୍ୟରୁ ଜଳ, ତାହା ଥିଲେ ଦୁନିଆ ହୁଏତ ରଙ୍ଗୀନ |

ଗୋଡ ରଖି ଆଗ୍ନେୟର ଅଗ୍ନି କଣା ଭିତରେ,

ରହିବ ନିଶ୍ଚିତ ତୃଷାତୁର ଦୂରାଃବସ୍ଥା ଭିତରେ |

ଠିଆ ହୋଇ, ବିସ୍ତିର୍ଣ୍ଣ ମରୁଭୂମିର ମଧ୍ୟରେ,

ଖୋଜେ ମନ ଯାହା, ଜଳ ତ ସାହାରା ହୁଏରେ |

କ୍ଷତାକ୍ତ ମନ, ଉପେକ୍ଷିତ ଲାଂଛିତ ଭଙ୍ଗା ହୃଦୟରେ

ଜଳ ଦିଏ ଆଶ୍ୱାସନା, ଜ୍ବଳାମୁଖୀ ଉଦଣ୍ଡ ଭାବନାରେ |

ଗଛ ଭର୍ତ୍ତି ଥିଲେ, ଆକାଶେ ମେଘ ବରଷଇ ଜଳ,

ଜଳ ପାଇ ପଡିଆ ଜମିରେ ଚାଷୀ କରି ପାରିବ ହଳ |

ଗଛ ସିନା ଥିଲେ ଦେବ ଆମକୁ କେତେ ଫୁଲ ଫଳ,

ସେଥିରୁ ଖାଦ୍ୟ ପାଇଣ, ଆମର ଜୀବନେ ମିଳଇ ବଳ |

ଵୃକ୍ଷ ଯୋଗୁଁ ବର୍ଷା ହୁଏ, ନଈ ନାଳ ପାଣିରେ ଭରିବ,

ଜଳ ମିଳିବ ଭୂତଳୁ ଯଦି ଜଳ ବିନ୍ଦୁ ସଞ୍ଚିତ ରହିବ |

ବିନ୍ଦୁ ବିନ୍ଦୁ ଜଳ ସଞ୍ଚିତ ରହିଲେ ସିନା ସିନ୍ଧୁ ହୁଏ,

ଜୀବର ପରମ ବନ୍ଧୁ, ପରିବେଶ ତା ଦ୍ୱାରା ସ୍ବଚ୍ଛ ରହେ |

ଲଗାଇବା ଗଛ, ପରିବେଶକୁ ସବୁଜ ସୁନ୍ଦର କରିବା,

ଜଳ ଯେ ଜୀବନର ମୂଳ,ଜଳକୁ ନଷ୍ଟ ଓ ଅସନା ନକରିବା |

ମନେରଖ ସବୁ ଭଉଣୀ ଭାଇ, ଜଳ ରଖିୂବା ପରିମଳ,

ଜାଣିଶୁଣି ଜଳ ଅପଚୟ କଲେ ଭୋଗିବା ବିଷମ ଫଳ |