ଜଳ ହିଁ ଜୀବନ

ଜଳରୁ ସୃଷ୍ଟି ହେଲା ପ୍ରାଣ ,

ଜଳ ହିଁ ଅଟେ ଜୀବନ ।

ଜଳଜ ଗ୍ରହ ଅଟେ ମେଦିନୀ ,

ବନକୁ ଜୀବନ ଦିଏ ସଂଜୀବନୀ।

ଜଳପାନେ ପାଆନ୍ତି ପ୍ରାଣୀ ଆନନ୍ଦ ,

ସ୍ୱାସ୍ଥ୍ୟ ପାଇଁ ଜଳ ଅଟେ ସମ୍ପଦ ।

ଜଳରୁ ସୃଷ୍ଟି ହୁଏ ନିର୍ଝରିଣୀ ,

ତହିଁରୁ ବହିଯାଏ ତରଙ୍ଗିଣୀ ।

ସାଗରେ ଝାସ ଦିଏ ସରିତ ,

ନଭରେ ସୃଷ୍ଟି ହୁଏ ଜୀମୂତ ।

ବୄଷ୍ଟିରେ ଭରି ଯାଏ ସ୍ରୋତସ୍ୱିନୀ ,

ରଙ୍ଗହୀନ ସମ୍ପଦ ଦେଖାଏ ଠାଣି ।

ଜଳ ପାଇଁ ମହୀ ହୁଏ ସବୁଜ ,

ଜଳ ଧରଣୀର ଅମୂଲ୍ୟ ଚିଜ ।

ନିର୍ଜଳ ଜୀବନ ଅଟେ ଅସମ୍ଭବ 

 'ଜଳ ସଂରକ୍ଷଣ' କରିବା ଆରମ୍ଭ ।

ଶବ୍ଦାର୍ଥ :

ମେଦିନୀ=ପୃଥିବୀ ।

ସଂଜୀବନୀ=ଅମୃତ(ଜଳ)।

ନିର୍ଝରଣୀ=ଝରଣା।

ତରିଙ୍ଗିଣୀ= ନଦୀ, ସରିତ ,ସ୍ରୋତସ୍ୱିନୀ।

ଜୀମୂତ = ବାଦଲ , ମେଘ ।

ରଙ୍ଗହୀନ ସମ୍ପଦ = ଜଳ ।