ଏକତାର ମହଲ
ଏକତାର ମହଲ
ଆମେ ସବୁ ମିଳିମିଶି, ଶପଥଟି କରିଛୁ,
ପ୍ରେମ ଓ ଏକତାର, ମହଲଟି ଗଢ଼ିଛୁ ।
ମହଲରେ ଜଳୁ ଅଛି, ଗଣତନ୍ତ୍ର ପ୍ରଦୀପ,
ଦୂରୁ ତହିଁ ହେଉଅଛି, ଅନ୍ୟାୟର ପ୍ରକୋପ ।
ମହଲର ସମ୍ମୁଖରେ , ଅଛି ଏକ ବଗିଚା,
ଏଠି ସୁଖ ଶାନ୍ତିର ,ହେଉଅଛି ଚରଚା |
ଏଇ ମହଲଟି ଅଟେ , ମୋ ଦେଶ ଭାରତ,
ଚାଷୀଭାଇ ଫଳାଏ ଏଠି , ସୁନାର ଶସ୍ୟକ୍ଷେତ ।
ମୋ ଦେଶ ସଇନିକ, ଦେଇ ନିଜ ରକତ,
ରକ୍ଷା କରେ ମାତୃଭୁମି , ବାହୁ ତା'ର ଶକତ ।
'ଶିକ୍ଷକତା' ବୃତ୍ତି ହେଉ, ରହିଛି ଯେ ସପନ,
ଜାତିର ନିର୍ମାଣେ ବିତୁ, କବିର ଏ ଜୀବନ ।
ମୋଦେଶ ପରି ବିଶ୍ବେ , ଅନ୍ୟ ଦେଶ କାହିଁରେ !
"ବିଭିନ୍ନତା ମଧ୍ୟେ ଏକତା" ଅନ୍ୟ ଦେଶେ ନାହିଁରେ ।
ଆସ ଭାଇ ଭଉଣୀଏ, ଶପଥଟି କରିବା,
ବଡ଼ ହୋଇ ଏ ମାଟିର, ସଦା ଯଶ ରଖିବା ।