Library
ଜୀବନଟା ଆଜି ଏକା ଏକା
ଜୀବନଟା ଆଜି ଏକା ଏକା
ଜୀବନ ଟା ଆଜି ଏକା ଏକା
ଯୌବନ ଟା ଗଲା ଫିକା ଫିକା
ନ ମିଳିଲେ କେହି ବିଶ୍ଵାସୀ ସାଥୀ
ପ୍ରେମ ହେଲା ମୋର ଫାଙ୍କା ଫାଙ୍କା ।
ପ୍ରେମର ପ୍ରକୃତ ସ୍ଵରୂପ
ବୁଝି ନ ପାରିଲି ଏକା ଏକା
ମନ ଓ ହୃଦୟ କୁହନ୍ତି ମୋତେ
ସେ ସବୁ ଅଟନ୍ତି ଫାଙ୍କା ଫାଙ୍କା ।
ସତ୍ୟ ନ୍ୟାୟ ଧର୍ମ ପଥରେ ଚାଲୁଛି ଯିଏ
ଦୁନିଆଁରେ ଆଜି ସେ ଏକା ଏକା
ଅର୍ଥ ନାହିଁ କି ନାହିଁ ଯଦି କ୍ଷମତା
ଆଜିକା ଦୁନିଆଁରେ ସେ ଫାଙ୍କା ଫାଙ୍କା ।
ପ୍ରେମ ପାଇଁ ଲୋଡା ଏବେ ଯେ ଅର୍ଥ
ସାମାଜିକ ପ୍ରତିଷ୍ଠା ପାଇଁ ଲୋଡା ସ୍ବାର୍ଥ
କ୍ଷମତା ହିଁ ଆଜିକା ଦୁନିଆଁର
ଜୀବନର ଅର୍ଥ ।
ନିଃସ୍ୱାର୍ଥପର ଓ ସତ୍ୟନିଷ୍ଠ ବ୍ୟକ୍ତି
ହରାଉଛି ସମାଜେ ତା'ର ଶକ୍ତି
ସାମୂହିକ ଉନ୍ନତି ପାଇଁ ଯିଏ ଚିନ୍ତିଲା
ସଂସାର ପରିବାର ତା'ର ଡୁବିଲା ।
ପରିବାର ପରିବେଶ ଆଜି କଳୁଷିତ
ମିଛ ଆଦର୍ଶେ ସଭିଏଁ ଅନୁପ୍ରାଣିତ
ବସ୍ତୁବାଦୀ ଦୁନିଆଁରେ
ସ୍ଵାର୍ଥ ଅର୍ଥ ପଛେ ସଭିଏଁ ଅନୁ ଧାବିତ ।
କାହାକୁ କରିବା ବିଶ୍ଵାସ
କାହାକୁ କରିବା ଅବିଶ୍ବାସ
ବିଶ୍ଵାସ ଅବିଶ୍ବାସ ର ଗଳିରେ
ବଞ୍ଚୁଛି ଆଜି ଏ ଅତ୍ୟାଧୁନିକ ମନୁଷ୍ୟ
ସବୁଠି ବାରି ହୁଏ ସ୍ଵାର୍ଥ ର ବିଷ
ସମାଜ ନୁହେଁ ସମଗ୍ର ନୁହେଁ
ମନୁଷ୍ୟ ଏବେ ପିଉଛି ପାରିବାରିକ
ସ୍ଵାର୍ଥର ବିଷ ।
ଲଙ୍ଗଳା ଫକୀର ସଦୃଶ
ଏ ମନୁଷ୍ୟ ଜୀବନ
ଆସିଛି ସେ ଏକା ଏକା
ଯିବ ଶୂନ୍ୟ ହୋଇ ଫାଙ୍କା ଫାଙ୍କା
ସ୍ଵାର୍ଥ ଓ ଅର୍ଥ ର ପ୍ରାଚୁର୍ଯ୍ୟ ମଧ୍ୟ
ଜୀବନ ଟା ଆଜି ଏକା ଏକା
ଯୌବନ ଟା ଗଲା ଫିକା ଫିକା
ନ ମିଳିଲେ କେହି ବିଶ୍ଵାସୀ ସାଥୀ
ପ୍ରେମ ହେଲା ମୋର ଫାଙ୍କା ଫାଙ୍କା ।
