ଜୀବନର ଲକ୍ଷ୍ୟ

ଲକ୍ଷ୍ୟ ଜୀବନର  ପ୍ରାପ୍ତ ସ୍ୱର୍ଗଦ୍ୱାର

     ଭସ୍ମହେବ ଅହଂକାର

କିଏ ତୋ ନିଜର କିଏ ତୋର ପର

     ଛାଡ଼ ତୁ ବାଛ ବିଚାର ll

ଜୀବନ ଯୁଦ୍ଧରେ  ମରଣ ହାଟରେ

    କଉତୁକ  ଲୋଭ ତୋର 

ଜମିବାଡ଼ି ଘର   ଧନ ସମ୍ପତ୍ତିର

     ଗରବ ତୋ କି ସୁନ୍ଦର ll

ଭାରିଜା ତୋହର  ପ୍ରେମ ବିରହର

     ପୁତ୍ର କନ୍ୟା ମୋହ ମାୟା

 ତାହାର ସେବାରେ ଜୀବନ ସ୍ୱାଦରେ

      ପଚେ ସଢେ ତୋର କାୟା ll

ଅଶିକ୍ଷା ଅଜ୍ଞାନ  ରୋଜଗାର ଧନ

    ବ୍ୟତିବ୍ୟସ୍ତ ପ୍ରତିକ୍ଷଣ

ଲାଭର ଲାଳସା ଲକ୍ଷ ପତି ନିଶା

     ମର୍ମାହତର କାରଣ ll

ଅନ୍ଧ କାମନାରେ  ଇନ୍ଦ୍ରିୟ ସୁଖରେ

     ଯୌବନରେ ପୌଢପ୍ରାପ୍ତି

ଚରିତ୍ର ସ୍ଖଳନ ମୋହ ଅକାରଣ

     ମରଣରେ ଶୁନ୍ୟପ୍ରାପ୍ତି ll

ଲକ୍ଷ ଜୀବନର  ସଂସ୍କାରୀ ବ୍ରତର

      ସତ୍ୟ ଧର୍ମ ଉପାସକ

ପ୍ରଭୁଙ୍କ ଶରଣ   ତ୍ୟାଗର ଜୀବନ

     ସେବାରେ ହୁଏ ସାର୍ଥକ ll