ଜୀବନର ଦୁଇପାଖ
ଜୀବନର ଦୁଇପାଖ
ଅନ୍ଧାର ଯେତିକି ଆଲୋକ ସେତିକି
ଜୀବନର ପରିଚୟ
ଦୁଃଖ ସୁଖ ଦୁଇପାଖ ଜୀବନର
ବୁଝିଗଲେ ହେବ ଜୟ
କଷଟି ପଥରେ ମାପୁ ମାପୁ ବେଳ
ନହୋଇବ ଅପଚୟ
ସମୟ ସହିତ ତାଳଦେଇ ଚାଲୁଥିଲେ
ନଲାଗିବ ଅସହାୟ
ଅତି ପରିଚୟେ ଗୌରବ ନଷ୍ଟ ହେବ କଷ୍ଟ
ଗୁରୁଜନଙ୍କ ସହାୟ
ଗୁରୁବାକ୍ୟ ମାନି ଚଳିଲେ ସଂସାରେ
ଆଗକୁ ନଥିବ ଭୟ
ଝଡ଼ ଝଞ୍ଜା ଦୁଃଖ ଯନ୍ତ୍ରଣା ସମୟ ଚକ୍ରରେ
କଷ୍ଟ ଦେବ ଅତିଶୟ
ବିବେକ ବୁଦ୍ଧି ଓ ସାହାସ ଜୁଟାଇ ପାରିଲେ
ଉଡାଇ ବାନା ବିଜୟ
ଟେକ ନିଜର ଜାତିର ଭାଷାର ରଖିଲେ
ଜୀବନ ନହେବ କ୍ଷୟ
ବହି ଅଟେ ଆଲୋକ ବର୍ତ୍ତିକା ତା ସଙ୍ଗେ ଭାବ
ଜୀବନ ଆଲୋକମୟ
ଅଜ୍ଞାନ, ଅନ୍ଧାର, ଆଶିକ୍ଷା ଅନ୍ଧବିଶ୍ୱାସ ଦୂରେଇଲେ
ଭଲ ମଣିଷ ହେବା ଥୟ
ଦୁଃଖରେ ସୁଖରେ ଭାବର ମୋହରେ ଆଶ୍ରିତ ହେଲେ
ଜୀବନ ଲାଗିବ ନିରାମୟ
ସୁନ୍ଦର ଯେତିକି ଅନ୍ଧାର ସେତିକି ଜୀବନେ
ଚାଲିବାକୁ ବିଶ୍ୱମୟ ।