ଲାଇବ୍ରେରୀ
ପ୍ରୋଫାଇଲ୍
ଜୀବନର ବାସ୍ତବତା
ଜୀବନର ବାସ୍ତବତା
1 min
305
ଭବିଷ୍ଯତ ମୋର ପଥହୁଡା ଆଜି
ଭାଙ୍ଗିଗଲା ସବୁ ସପନ
ଦୁଃଖ ପିଇ ପିଇ କେମିତି ବଞ୍ଚିବି
କହିଦେ ଥରେ ତୁ ଜୀବନ ?୧।
ଚୁନା ଚୁନା ହେଲା ମୋ ସୁନା ସପନ
ଭବିଷ୍ଯତ ହେଲା ଅତୀତ
କାଳବୈଶାଖୀର କଳା ମେଘ ଯୋଗୁଁ
ଜୀବନ ଲାଗେ ଦୁଃଖିତ ।୨।
ଆସି ଧୋଇ ଗଲା କରାଳ ବରଷା
ଥିଲା ଯେତେ ଆଶା ଭରସା
ଯେତେ ସାଉଁଟିଲି ସୁଖର ପସରା
ହେଲି ପୁଣି ଆଜି ନିରାଶା ।୩।
ବର୍ତ୍ତମାନ ଆଉ ଚିନ୍ତା କରିବିନି
ଭବିଷ୍ଯତ କି ମୋ ଅତୀତ
ସଜାଡି ମୁଁ ନେବି ବର୍ତ୍ତମାନ ମୋର
ଆଜି ଠାରୁ କଲି ଶପଥ ।୪।
