ଜୀବନ

ଲୁହର ନଦୀ ଯୋଉଠି ସମୁଦ୍ର

କୋହର ପାହାଡ଼ ସେଠି ରୁଦ୍ର

ଭୋକର ଦାଉ ସୁଖର ଭାଉ

କୋଇଲି କୁହୁ ଜୀବନେ ମହୁ

ଝୁଣ୍ଟି ଝୁଣ୍ଟି ତିତିକ୍ଷାରୁ ଶିକ୍ଷା

ଖୁଣ୍ଟି ନାଣ୍ଟି ପ୍ରେମର ପରୀକ୍ଷା

ଆଛା ଦିନର ପ୍ରତୀକ୍ଷା ପରେ

ଜୀବନଟା କଜ୍ଜଳ ମଖା

ଦୁଇକୂଳ ଲଙ୍ଘା ଆନ୍ତହୀନ ପ୍ରତୀକ୍ଷା

ଭଲଲାଗେ ସ୍ବପ୍ନ ଦେଖା

ଋତୁ ନଈ ଆକାଶକୁ ଭିକ୍ଷା

ଦେଖି ସୌନ୍ଦର୍ଯ୍ୟମାଳିନୀ ଚିଲିକା

ଭାବାନ୍ତର ଭୋକରୁ ଭୁଖା

ରୁଦ୍ରରୁ ରୌଦ୍ରଙ୍କ ଜଳକା

ସତରେ ଜୀବନ ଭାରି ଅଙ୍କା ବଙ୍କା

ଥରେ ପରିଚୟ ଷଷ୍ଠୀଘର ଉମ୍ହେଇ

ଦାହରୁ ଦ୍ରୋହ ଯାଏଁ ଜଡ଼ାଇ

ଆଶାପକ୍ଷୀ ଉଡେଇ

ସ୍ବପ୍ନସବୁକୁ ଚିପୁଡ଼ି ଦେଇ

ଶୂନ୍ୟତରେ ଖୋଜିବାକୁ ହୁଏ

କୋ ଅହଂ ସ୍ଥିତି ପ୍ରବୃତ୍ତି କୋଉଠି ଥାଏ

ପାଳଭୂତ ସାଜି ପାଦଚିହ୍ନ ଖୋଜି

ସ୍ମୃତି ଖୋଜି ଆଗକୁ ହେଜି

ଶେଷକୁ ଡର ଭୟ ଅବଶୋଷ ପରି

ଟଙ୍କ ତୋରାଣୀ ପିଉ ପିଉ ଜୀବନ ଯାଏ ସରି ‌।