Library
Profile
ଜୀବନ
ଜୀବନ
ଜୀବନଟା ଅଛି :
ମୋ ହାତ ମୋ ବୋଲ ମାନୁଛି ବୋଲି
ଡଷ୍ଟବିନ୍ର ଉଦ୍ଦିଷ୍ଟ ଖାଇ ଲୋକେ ବଂଦୁଛତି ବୋଲି
ସୀମାପାର ସଂଗ୍ରାସ ବାଦରେ ଗଣତ୍ର ଦୋହଲୁଛି ବୋଲି ।
ଜୀବନଟା ଅଛି :
ଶିକ୍ଷା, ସ୍ବାସ୍ଥ୍ୟର ବ୍ୟବସାୟୀକରଣ ଚାଲିଛି ବୋଲି
ଚିରଂତନୀ ପ୍ରକୃତିର ଡିଜିଟାଇଜେସନ୍ ହେଉଛି ବୋଲି
ସଂତର ପତ୍ରଝଡା ଋତୁରେ ମୁଁ ପ୍ରେମର ଗଜଲ ଗାଉଛି ବୋଲି ।
ଜୀବନଟା ଅଛି :
ମୃତ୍ୟୁ ବେତନା କ୍ରମଶଃ ଜୀବଂତ ହଉଛି ବୋଲି
ଏବେ ବି ଭାଗବତ ଟୁଙ୍ଗିର ପ୍ରସଂଗିକତା ଅଛି ବୋଲି
ଝରା ଶେଫାଳିର ମୃଣ୍ମୟୀ ମାୟାରେ ମୌସୁମୀ ଆସିଛି ବୋଲି ।
ଜୀବନଟା ଅଛି :
ପ୍ରସ୍ତରର ପ୍ରାଗୈତିହାସିକ ବକ୍ତବ୍ୟଟିଏ ଅଛି ବୋଲି
ଚେତନାର ଦୁର ଦିଗ୍ବଳୟରେ ‘ଜୁଆର” ଆସୁଛି ବୋଲି
ମାଟିର ଗଂଧରେ-ମାଂସର ଆମଂତ୍ରଣରେ ଅଭିମନ୍ୟୁ ଆସୁଛତି ବୋଲି ।
ଜୀବନଟା ଅଛି :
ନିଶାଦ୍ଧରେ ଅସହାୟତାର ଖରିର ଆସୁଛତି ବୋଲି
ସେକ୍ସ ଭିଡିଓ ଭାଇରାଲ ହେଉଛି ବୋଲି
ସମାଜରେ ସେ ଏକ ଷ୍ଟାଟସ ସିଂବଲ ହୋଇଅଛି ବୋଲି ।
ଜୀବନଟା ଅଛି :
ଦୁର୍ନୀତି ମୁକ୍ତ ବ୍ୟବସ୍ଥା ଓ ପାରାଦର୍ଶୀ ପ୍ରଶାସନର ସ୍ଵପ୍ନ ଦେଖା ହେଉଛି ବୋଲି
କ୍ଷୁଧାମୁକ୍ତ ବିଶ୍ଵ ଓ ନିରାମୟ ଜଗତ ପାଇଁ ପ୍ରଚେଷ୍ଟା ଚାଲିଛି ବୋଲି
ଅଭିଶପ୍ତ ଗଂଧର୍ବର ଅଂତରଂଗ ଅସହାୟତା- ସଂପର୍କର
ସୁରମ୍ୟ ସୃଜନଶୀଳତାରେ ପର୍ଯ୍ୟବସିତ ହୋଇଛି ବୋଲି ।
