Library
Profile
ଜୀବନ.,. ମୃତ୍ୟୁ
ଜୀବନ.,. ମୃତ୍ୟୁ
1 min
236
ଜୀବନ ଯେଉଁଠି
ଯନ୍ତ୍ରଣା କାଳିରେ
ସଫେଦ କାଗଜେ ଲେଖା
ମୃତ୍ୟୁ ବି ସେଇଠି
ଅଲିଭା ଅକ୍ଷରେ
କର୍ତ୍ତବ୍ୟ କରେ ସମୀକ୍ଷା।
ଜୀବନ ଯେଉଁଠି
ଦୁଃଖର ଅନଳ
ବ୍ୟଥା ଦାଵା ନଳ
ସ୍ୱାର୍ଥର ଭଉଁରୀ ଛନ୍ଦ
ମୃତ୍ୟୁ ବି ସେଇଠି
ଶୀତଳ ସ୍ବପ୍ନ ଟେ
ମଧୁ ଝରା ମକରନ୍ଦ।
ଜୀବନ ଯେଉଁଠି
ପ୍ରଶ୍ୱାସ ବୋଇତେ
ପ୍ରାଣ ବାୟୁ ସଞ୍ଚରିତ
ମୃତ୍ୟୁ ବି ସେଇଠି
ନିଶ୍ୱାସ ପବନେ
ଅନୁରାଗେ ପ୍ରବାହିତ।
ଜୀବନ ଯେଉଁଠି
ଯନ୍ତ୍ରଣା ଜାମିନୀ
ଅହଂକାର ଯତି ପାତ
ମୃତ୍ୟୁ ବି ସେଇଠି
ପ୍ରାଣ ପ୍ରିୟତମ
ସ୍ୱାଗତ ମଧୁ ସଂଗୀତ।
