ଜୀବନ ମୃତ୍ୟୁ
ଜୀବନ ମୃତ୍ୟୁ
1 min
469
ମୃତ୍ୟୁର ତଳେ ଜୀବନକୁ କିଆଁ
ଖୋଜିବାକୁ ଆଉ ଯିବି
ମରଣ ଦୁଆରେ କାହିଁକି ଗଢିବି
ଜୀବନର ଯଜ୍ଞବେଦୀ I
ମରଣ ଯେଉଁଠି ଜୀବନ ରୂପରେ
ଉଭାହୁଏ ଆଖିଆଗେ
ସେହି ମୃତ୍ୟୁ ମୋର କାମ୍ୟ ସର୍ବଦା
ଯିଏ ମୋ ଜୀବନ ମାଗେ I
ଜୀବନ ଓ ମୃତ୍ୟୁ ଗୋଟିଏ କାହାଣୀ
ଫରକ ମୋ ପାଇଁ ନାହିଁ
ମୃତ୍ୟୁ ପୋଛିଦିଏ ଆଖିରୁ ସପନ
ଜୀବନର କଥାକହି I
ମରଣ ଯେବେଳେ ପରକରି ଦିଏ
ଦୂରରେ ଜୀବନ ରହି
କି କଥା ସେ କୁହେ କାନରେ ମୋହର
କିଛି ବୁଝି ପାରେନାହିଁ I
ମରଣ ସହିତ ବସିଛି ମୁଁ ମିତ
ତୁମେ ସିନା ତାକୁ ଡର
ଜୀବନ ଓ ମୃତ୍ୟୁ ସମାନ ମୋ ପାଇଁ
ମୃତ୍ୟୁ ବେଶି ଆପଣାର I