ଜୀବନ କାହା ପାଇଁ କେମିତି

ଜୀବନ ଗଣିତ କଷୁ କଷୁ

ଡାହୁକ କହୁଛି ମୁଁ

ଜୀବନ ସଳିତା ଜାଳୁ ଜାଳୁ

କାଳପୁରୁଷର ହୁଁ 

ଜୀବନ ରଫ ଖାତା କଥା ଓ ନଥା 

ଶୁଣିବାକୁ ନାହିଁ ଯୁ

ଜୀବନ ସନ୍ଧ୍ୟାର କିଛି କାହାଣୀ

ନେଇଆଣି ଥୋ ତୁ

ଜୀବନ ଚଲାପଥେ ଚାଲୁ ଚାଲୁ

ପଥ ଓ ପାଥେୟ ଛୁ

ଜୀବନ ମଶାଲ ନେଲାଣି ମାସ୍ତୁଲ

ନାଉରୀଆ ମାରେ ହୁଁ

ଜୀବନ ସଂଗୀତ ସରିଆସିଲାଣି

ଶୀତ କରେ ହୁ ହୁ

ଜୀବନ ପଥରେ ଝୁଣ୍ଟି ଝୁଣ୍ଟି କେତେ

ଠିଆ ହେବାକୁ କହେ ଉଃ

ଜୀବନ ସାରଣୀ କହେ କାହାଣୀ

ତୁ ଥିଲେ ଅଛି ମୁଁ

ଜୀବନ ପାନ୍ଥ ସାଥେ ଅନେକ ସନ୍ଥ

କିଏ ତୁ ଅବା ମୁଁ

ଜୀବନ ଦେଇଛି ଯିଏ ବୁଝୁଛି ସିଏ

ଆଗ ମୁଁ ଅବା ପଛ ମୁଁ

ଜୀବନ ଶେଷରେ ଏତିକି ମାଗୁଣି

ମୋ ପଛେ ପଛେ ଥା ତୁ ।