ଜୀବନ ଏମିତି

ଜୀବନକୁ କେ ଦେଖୁଛି

ତୁଳିତଳ୍ପ ଶଯ୍ୟାରେ

କିଏ ପୁଣି ଥରୁଥାଏ

ପ୍ଲାଟଫର୍ମର ଶୀତ ରାତିରେ

ଆଉ କିଏ ଠା ଠା ଓଦା ଚାଳଘରେ

ତୁଛାରେ ମାଟି ହାଣ୍ଡି ଖଡ଼ ଖଡ଼ କରେ

ଦି ଘଡି ଜିଇଁବା ଆଶାରେ

କାହା ଝିଅ ଗଲା ଯେ ଗଲା

ଫେରିଲାନି ଆଉ

କୁଆଡେ ଯାଇଛି ବୋଲି ବୁଝିବାକୁ ନାହିଁ ଜୁ

କାହା ପୁଅ ବିଦେଶେ ରହିଲା

କୋଟିଏ ସରିକି ଟଙ୍କା ଖର୍ଚ୍ଚ ହୋଇଥିଲା

କାହା ପୁଅ ସନ୍ୟାସୀ ହୋଇଗଲା

ଫେରିଲତ ବୁଦ୍ଧମ ଶରଣମ ଗଛାମି କହିଲା

କାହା ବାପା ଚାଲିଗଲା ଆଉ କାହାକୁ ନେଇ

ସ୍କୁଲରେ ତା ପିଲାଙ୍କୁ ଟାହିଟାପରା କରେ କେହି

କାହା ମାଆ ତିନିଟା ପିଲାଙ୍କୁ ଛାଡି ପରପୁରୁଷ ସାଥେ

ଛାଡିଯାଇଥିବା ସ୍ୱାମୀର ଇଜ୍ଜତ ଆଉ ହାତେ କି ଦିହାତେ

ରିକ୍ସା ବାଲା ଟଙ୍କା ବିଡା ପାଇ ଫେରାଏ କୋଉଠି

ଧନ ପରେ ଧନ ଥାଇ କେ ବସିଥାଏ ଥୋଇ ଗୋଇଠି

କାହା ଜୀବନେ କେତେ ଫରକ କାହିଁକି

ବାଟରେ ଚାଲିବା ସହଜ ନୁଂହେଟି

କାହିଁକିର ଉତ୍ତର ସେଇ ଗୋଟିଏ

କର୍ମଫଳ ଭୋଗୁଛେ ସଭିଏଁ

କେଜାଣି କୋଉ ଦୁଃଖ ସୁଖ ଭିତରେ ଜୀବନ

ଦୋଛକି ଭିତରେ ପରମାତ୍ମା ବୁଝନ୍ତି ସମ୍ବେଦନ ।।