ଜୀବନ ଏବେ ମୃତ୍ୟୁମୁହାଁ

ମୃତ୍ୟୁକୁ ଧରିବା ପାଇଁ

ହାତଦିନେ ଦେଲି ମୁଁ ବଢାଇ

ଘୁଞ୍ଚିଗଲା ଦୂରେ ସିଏ

କହିଗଲା ନାହିଁ ନାହିଁ ନାହିଁ I

ଜୀବନର ସ୍ୱରଦେଇ

ଗୀତ ସେ ଗାଇଲା

ତା ମଧୁର ସ୍ୱର ମୋର

ହୃଦୟ ଛୁଇଁଲା I

କହିଲା ଅତି ଆଦରେ

ସେ ମୋର ଜୀବନ

ମୃତ୍ୟୁ ନୁହେଁ ସିଏ ମୋର

ଅପହଞ୍ଚ ଜୀବନର ସ୍ୱନ I

ତା ଭିନ୍ନ ଆଉକେ କାଳେ

ଛୁଇଁଦେବ ମୋତେ

ସେଥିପାଇଁ ରହି ପାଖେ ପାଖେ

ପ୍ରତ୍ୟେକ ମୂହୂର୍ତ୍ତ ମୋର

ଭିଜାଇଲା ତା ପ୍ରୀତି ମୟୁଖେ I

ଆଜି ସେ ମୋ ଆଖି ଆଗେ

ତଥାପି ମୁଁ ପାରୁନାହିଁ ଜାଣି

ସିଏ ମୋର ଜୀବନର ଛନ୍ଦ ଅବା

ମୋ ମୃତ୍ୟୁର କରୁଣ କାହାଣୀ I