ଜୀବନ ଚକ ଚରଖା
ଜୀବନ ଚକ ଚରଖା
ଜୀବନ ଏକ ମରୁବାଲି ମରୀଚିକା
ଅତୀତ ଇତି ହୁଏ ଖାଲି ଉପକ୍ରମଣିକା ।
ବର୍ତ୍ତମାନ ଖୋଜେ ହେଜେ ମଉକା
ଭବିଷ୍ୟତ ସୁନେଲି ସକାଳର ଅଭିସାରିକା ।
ଋତୁ ଆସି ଯାଏ ଭାସି ବର୍ଷ ଅବବାହିକା
ଜୀବନ ଖୋଜେ ଭଙ୍ଗା ଦଦରା ଆଶ୍ରୟ ନୌକା ।
କିଏ କେମିତିକା ମାରେ ଛକା କି ଚଉକା
ଆପଣା ହସ୍ତେ ଜିହ୍ୱା ଛେଦି କେ ଅଛି ପ୍ରତିବାଦୀ ।
ଜୀବନ ଗଡେ ଖେଳି ବୋହୁ ବୋହୁକା
ରାଗ ଋଷା ଅଭିମାନ ଦେଖାଏ ପଞ୍ଚା ଛକା ।
ଜୀବନ ହା ହୁତାଶନ ନାଚେ ଥେଇ ଥେଇକା
ଜୀବନ ସଳିତା ଜଳି ଜଳେ ଦିକ ଦିକିକା ।
ଗର୍ବ ଦମ୍ଭ ଅହଙ୍କାର ଭାରେ ଜୀବନ ନିହାତି ଏକା
ପଡ଼ି ଉଠି ଜୀବନଟା ଗୋଟେ ଝଟକା ।
ଜୀବନ ଘର ବନ୍ଦ କବାଟ ଝରକା
ଜୀବନ ଘାସ ଫୁଲ ମଣିଷପଣିଆ ଥିଲେ ଏକା।
ଯିଏ ଯେତେ ଦଳିଦେଉ ଘାସ ଫୁଲ କୌଶଳ ଶିଖା
ବଞ୍ଚିବାକୁ ଲୋଡା ଜୀବନେ ଯେଉଁ ଦୀକ୍ଷା ଓ ଶିକ୍ଷା
ଗୁରୁଜ୍ଞାନ ଗୁରୁଜନ ପୁର୍ବଜ ଦିଅନ୍ତି ପୁରୁଖା
ଜୀବନରେ ପିତୃପୁରୁଷ ମହୁମଖା ଚରଖା ।