ଜୀବନ ବନାମ ମୃତ୍ୟୁ

ଜନ୍ମ ହେଲୁ ଯଦି ମୃତ୍ୟୁ ପାଇଁ

ଜୀବନର ମୂଲ୍ୟ କଣ

ଅଢେଇ ଦିନିଆଁ ଜୀବନରେ

କଣ ପାଇଁ ଖାଇ ରାଣ l

ସବୁ ଅଳୀକ ଅବାସ୍ତବ ଯଦି

ସ୍ବପ୍ନ କାହିଁକି ଗଣ

ସୃଜନୀ ସୃଷ୍ଟି ଓ ପରପିଢ଼ି ପାଇଁ

ବୋଧେ ହେବାକୁ ମଣ l

ପ୍ରାରବ୍ଧ କର୍ମ ଭୋଗୁ ଭୋଗୁ ଏଠି

କୋଉ ମଞ୍ଜି କିଏ ବୁଣ

ପରଜନ୍ମ ପାଇଁ କର୍ମ କରୁ କରୁ

କେତେ କରିଛ ଋଣ l

ହାରିବା ଜିତିବା ଲଢେଇ ଭିତରେ

ବଞ୍ଚିବା ନିରର୍ଥକ ଜାଣ

ମଣିଷ ଜନମେ ପରଉପକାରେ

ଧର୍ମ ହେବ ଦୁଇଗୁଣ l

ଜ୍ଞାନ ଅର୍ଜନ ସୁଷମ ବଣ୍ଟନ ଚିନ୍ତନ

ଜନ୍ମ ହେବ ସକାରଣ

କର୍ମେ ଯିଏ ନର କର୍ମ ଏକା ତାର

ଅଭିଷ୍ଟ ହୁଏ ପୁରଣ l

ଯାଅ ବୃନ୍ଦାବନ ଯାଅ ହରିଦ୍ୱାର

ସବୁ ହେବ ଅକାରଣ

ମୋର ମୋର ବୋଲି କହିଯାଉ

ମୋହ ମାୟା ଜାଗ୍ରତ ଜାଣ

ସ୍ନେହ ଶ୍ରଦ୍ଧା ପ୍ରୀତି ମୈତ୍ରୀ ବାଣ୍ଟିଲେ

ମୋକ୍ଷ ହେଉ କି ନହେଉ ବିକଶିବ ଗୁଣ l