Library
ଜୀବନ ବହି
ଜୀବନ ବହି
ଜୀବନ ବହିରେ
ଏକ ନୂତନ ଅଧ୍ୟାୟର ଆରମ୍ଭ
ସୁଖ ଆସିବେ ଦୁଃଖ ଆସିବେ
ସମୟର ନିକିତିରେ ତଉଲା ହୋଇ
ଅଧ୍ୟାୟ ଫର୍ଦ୍ଦରେ ଲେଖା ଯିବ
କେଉଁ ଥିରେ କମ୍ ତ କେଉଁ ଥିରେ ଅଧିକ
କିଛି ଫର୍ଦ୍ଦ ଯନ୍ତ୍ରଣାରେ ହସି ଉଠିବେ ତ
ଆଉ କିଛି ହସି ହସି କାନ୍ଦିବେ
ଏମିତି ତ ଲେଖାହବ ନୂତନ ଅଧ୍ୟାୟର ଆରମ୍ଭ।
ହଁ କିଛି ଫର୍ଦ୍ଦ ପୁରୁଣା ହେବେ
ଆଉ କିଛି ନୂଆ ଭଳି ଚମକି ଉଠିବେ
ଅଧ୍ୟାୟ ଆରମ୍ଭ ହଉ ହଉ
କେତେବେଳେ କେମିତି ଶେଷ ହେବ
କେଉଁ ଫର୍ଦ୍ଦରେ କିଏ ବା ଜାଣିଛି ?
ହଁ ଅଧ୍ୟାୟ ଶେଷରେ ତଉଲା ହେବେ
ଏ ସମୟର ନିକିତିରେ
ଏ କଥା ତ ଏ ନୂତନ ଅଧ୍ୟାୟ ଜାଣିଛି।
କେବେ ଅହଂକାର, ସ୍ୱାର୍ଥ, ପାପର ଭାର ବଢ଼ିବ
କେବେ ପ୍ରେମ, ସ୍ନେହ, ଶ୍ରଦ୍ଧା, ଉଦାରତାର
କେଉଁ ଫର୍ଦ୍ଦ ତ ଏମିତି ଥିବେ
ଆରମ୍ଭ ପୁର୍ବରୁ ଶେଷ ହେବେ
ଆଉ କେଉଁ ଫର୍ଦ୍ଦ ଆରମ୍ଭ ତ ହେବେ
କିନ୍ତୁ ଆଧାର ରହି ଯିବେ
କିଛି ଫର୍ଦ୍ଦ ମଳିନ ପଡିବ ତ
ଆଉ କିଛି ଚିରି ଯିବେ ସମୟ ସାଥିରେ
କେବେ ସୁନ୍ଦର ସ୍ପଷ୍ଟ ଶବ୍ଦ ହସୁଥିବେ
ଆଉ କେବେ ଅସଜଡ଼ା ଶବ୍ଦ ଗୁଡ଼ାକ
ଲୁଚି ଲୁଚି କାନ୍ଦୁଥିବେ
ଏମିତି ତ ଲେଖାହବ ନୂତନ ଅଧ୍ୟାୟର ଆରମ୍ଭ
ହଁ ଅଧ୍ୟାୟ ଶେଷରେ ତଉଲା ହେବେ
ଏ ସମୟର ନିକିତିରେ ସବୁ
ଏ କଥା ତ ଏ ନୂତନ ଅଧ୍ୟାୟ ଜାଣିଛି ।।
