ଅଧୁରା ସାକ୍ଷାତ
ଅଧୁରା ସାକ୍ଷାତ
ସେଇ ଶୀତ ସକାଳେ
ଦୁଇ କପ୍ କଫି୍ ସାଥିରେ
ତୁମର ସେ ଅଧୁରା ସାକ୍ଷାତ
କାହିଁକି କେଜାଣି ଆଜି
ହୃଦୟକୁ କରୁଛି ଆଘାତ ?
ସେ ଆଘାତକୁ ମୁଁ ସହିଯାଏ
ଆଖିରେ ଲୁହ ଆସିଲେ ବି
ଟିକିଏ ହସି ଦିଏ।
କାରଣ ସେ ଅନେକ ଲୁହ ଭିତରେ
ଟିକିଏ ହସ ଆଜି ବି ସାଇତି ରଖିଛି
ହୃଦୟର ନିବୃତ କୋଣରେ
ସେ ଅଧୁରା ସାକ୍ଷାତ ଭିତରେ ।
ଖୁସି ତ ଆସେ କିଛି ସମୟ ପାଇଁ
ଆଉ ଲୁହ !
ଲୁହ ତ ସବୁଦିନ
ଆଉ ସେ ଯନ୍ତ୍ରଣା !
ସେ ଯନ୍ତ୍ରଣା କଥା କୁହନା
ସେ ତ ଶୁଣାଏ ସେ ସାକ୍ଷାତର ବେଦନା।
ତୁମର ସେ ସତ ମିଛ କଥା ଭିତରେ
ଆଉ ସେ ହସ ହସ ଚେହେରା ଭିତରେ
କେତେ ଯେ ଥିଲା ବାହାନା।
କିଏ ବା ବୁଝିପାରିବ
ଆଉ କେମିତି ଯେ ବୁଝିବ
ତୁମର ତ ସେ ଛଳନାକୁ
ସେ ଅଧୁରା ସାକ୍ଷାତ ଭିତରେ।
ହଁ ଆଉ ଏକ ଅଧୁରା ସାକ୍ଷାତ ପାଇଁ,
ଆଜି ବି ଅପେକ୍ଷା କାହିଁକି କେଜାଣି ?
ସତରେ କ'ଣ ଲୁହ ପିଇବାର
ଅଭ୍ୟାସ ହେଇ ଗଲାଣି ?
ଆଉ ଯନ୍ତ୍ରଣା ସହିବାର ଅଭ୍ୟାସ ବି,
ସେଥିପାଇଁ ବୋଧେ ଆଉ ଏକ
ସାକ୍ଷାତ ପାଇଁ ଅପେକ୍ଷା।