ଜୀଅନ୍ତା ଠାକୁର

ପିତାମାତା ଆମ ଜୀଅନ୍ତା ଠାକୁର  

ହୃଦ ତାଙ୍କ ପ୍ରେମମୟ

ଥିଲେ ତାଙ୍କ ପାଶେ କଦାପି ନ ଆସେ

ଟିକି ମନେ ଆମ ଭୟ

ସରଗ ସମାନ ମନ ବୃନ୍ଦାବନ

ପାଇବା କି? କାହିଁ ଖୋଜି

ମମତା ଝର ତାଙ୍କ ସ୍ନେହ ଆଦର

ପାରିବା କି? ଋଣ ସୁଝି

ଦୀପ ପରି ନିଜେ ଜଳି ସେ ଯାଆନ୍ତି

ଆଲୋକ ଦେବାର ପାଇଁ

ନିସ୍ୱାର୍ଥ ଭାବନା କଷ୍ଟ ଅ-କଳନା

ସବୁକିଛି ଯା'ନ୍ତି ସହି

ସନ୍ତାନଙ୍କ ପାଇଁ ଛାତିର ବେଦନା

ଓଠରେ ଯାଆନ୍ତି ପିଇ

ଅସହ୍ୟ ଯନ୍ତ୍ରଣା ନିଜର କରନ୍ତି

ସନ୍ତାନଙ୍କ ଖୁସି ପାଇଁ

ସାକ୍ଷାତ ଈଶ୍ୱର କୋଟି ନମସ୍କାର

କରଇ ତାଙ୍କ ପୟରେ

ତାଙ୍କରି ଆଶିଷ ପାଇ ଉପଦେଶ 

ଶ୍ରେଷ୍ଠ ହେବ ଦୁନିଆରେ