ଜିବେ ଦୟା ନୀତି

ଜୀବ ଜଗତର  ସର୍ବ ଶକ୍ତିମାନ

ପ୍ରାଣୀ ଭାବେ  ଆଜି  ବିଦ୍ୟମାନ,

ପ୍ରକୃତିକୁ  ନିଜ  ଆୟତରେ  ସଦା

 ରଖିବାକୁ  କରୁଛି  ସାଧନ  l

ବୁଦ୍ଧି, ବଳ ଯେତେ କୌଶଳ  ଖଟାଇ

 ପ୍ରକୃତିକୁ  କରୁଛି  ସେ  ଧ୍ବଂସ,

ସବୁ  ଜୀବଯନ୍ତୁଙ୍କୁ   ନିର୍ବିଚାରରେ

ମାରୁଛି  ଖାଇବା  ପାଇଁ  ମାଂସ  l

ସର୍ଵଭୁକ  ପ୍ରାଣୀଭାବେ  ନର  ଆଜି

ସବୁରି  ପାଇଁ  ଶୁର   ସାଜିଛି ,

ନିରୀହ ଜୀବଯନ୍ତୁଙ୍କ  ଉପରେ ସେ 

ଅନ୍ୟାୟ ଭାବେ  ଦାଉ  ସାଧୁଛି  l

ଏହି ଅନ୍ୟାୟରୂ  ମୁକ୍ତି  ଦେବା  ପାଇଁ

ବହୁ  ସାଧୁ  ସନ୍ଥମାନେ   ଆସି,

ଧର୍ମ ଶାସ୍ତ୍ର  ଦ୍ୱାରା  ବୁଝାଇ  ଲୋକଙ୍କୁ

ଅହିଂସା ମାର୍ଗର ହୁଅ   ବିଶ୍ୱାସୀ  l

ଗୌତମ  ବୁଦ୍ଧ    ଓ  ମହାବୀର  ଜୈନ

ଆଦି  ଧର୍ମ  ସଂସ୍କାରକ   ଯେତେ,

ଜିବେ  ଦୟା  ନୀତି   ପ୍ରଚଳନ  କରି

ବୁଝାନ୍ତି  ଲୋକଙ୍କୁ  ନାନା  ମତେ  l

ଶୁଣିକି  ନ  ଶୁଣିଲା  ପରି, ନ  ମାନି

 ଆଜି  ଭୋଗୁଛି  ମାନବ  ଜାତି,

କରୋନା  ଭଳି   ମହାମାରୀରେ ସବୁ

ସଂକ୍ରମିତ  ହୋଇ  ମରେ  ନିତି  l

ଯେତେ ଦିନ  ଯାଏଁ  ଜିବ ପ୍ରତି ଦୟା

ହୃଦୟେ  ଜାଗ୍ରତ  ନ  ହୋଇଛି,

ଭଗବାନ  ବି  କ୍ଷମା  କରିବେ  ନାହିଁ

ମଣିଷ  ଯଦି  ନ'  ସୁଧିରିଛି l