ଝୁରୁଛି ବକୁଳବନ

                        

ନୀଳାଚଳ ଉଭା  ଦାରୁ ମୂର୍ତ୍ତିବିଭା

    ଉତ୍କଳର ଶ୍ରେଷ୍ଠ ମଣି

    ଭାର୍ଗବୀର ତୀରେ  ସୁଆଣ୍ଡୋ ଷଠିରେ

       ଉତ୍କଳୀୟ ସେବା ମଣି ।

        

ଅଛି କା'ର ସାଧ୍ୟ  କଳିବାକୁ ତୁମ୍ଭ

    ସେବାର ବିବିଧ ବର୍ଣ୍ଣ

    ଉତ୍ସର୍ଗୀକୃତ ଯେ'  ନର କଳେବର

       ସାରା ଉତ୍କଳ ଭୁବନ !

        

ସ୍ବଦେଶ ପ୍ରେମରେ  ଧ୍ୟାୟୀ ଅନୁକ୍ଷଣ

    ଅସ୍ପୃଶ୍ୟେ କରିଣ ସେବା

    ଧନ୍ୟ ସେ ପରାଣ  ଆହେ ପୂଣ୍ୟପ୍ରାଣ

       ସୁଆଣ୍ଡୋ ଭୂଇଁରେ ଉଭା ।

        

ସେବାମନ୍ତ୍ରେ ସ୍ନିଗ୍ଧ  'ସମାଜ'ର ସୌଧ

    ହାତ ତିଆରି ସୃଜନ

    ତୁଚ୍ଛରେ ଆତ୍ମଜ  ଜନତାରେ ହେଜ

       ନିଆରା ଶୁଦ୍ଧ ପରାଣ ।

        

ଆସନ୍ତ କି ଫେରି  ଉଡ଼୍ରେ ଅବତରି

    ହୁଅନ୍ତା ସେବା ବିନ୍ୟାସ

    କୁସଂସ୍କାର ପରେ  ସ୍ୱର୍ଗୀୟ ଗୁଣର

       କରିଦ୍ୟନ୍ତ ଶିଳାନ୍ୟାସ ।

        

ହେ ସର୍ବ ବରେଣ୍ୟ  ତୁମ୍ଭ ସାଧୁପଣ

    ଧାତ୍ରୀ ଭାର୍ଗବୀ ଜୀବନ

    ସାକ୍ଷୀ ସତ୍ୟବାଦୀ  ଉତ୍କଳ ଚୌହଦୀ

       ଝୁରୁଛି ବକୁଳବନ ।