ଝୁଲଣ ଯାତ୍ରା
ଝୁଲଣ ଯାତ୍ରା
ଶ୍ରୀମନ୍ଦିର ସହ ସମସ୍ତ, ବିଷ୍ଣୁ ମନ୍ଦିରରେ,
ଝୁଲଣ ଯାତ୍ରାଟି ହୁଅଇ, କେଡ଼େ ସରାଗରେ ।
ଶ୍ରାବଣ ଶୁକ୍ଳ ଦଶମୀରୁ, ଯାତ୍ରା ଆରମ୍ଭ ହୁଏ,
ଭାଦ୍ରବ ପ୍ରତିପଦ ତିଥି, ଶେଷ ହୋଇଣ ଥାଏ ।
କୁଞ୍ଜବନେ ରାଧାକୃଷ୍ଣଙ୍କ, ହୁଏ ଝୁଲଣ ଯାତ୍ରା,
ଗୋପୀସହ ନରନାରୀ, ଗନ୍ଧର୍ବ ଓ ଦେବତା ।
ସେବାକରି ପୂଣ୍ୟ ଅର୍ଜନ, ମହା ଆଡମ୍ବରେ,
ପୁରୀ ଶ୍ରୀମନ୍ଦିରେ ଅଥବା, ପୂଣ୍ୟକ୍ଷେତ୍ର ଗୋପରେ ।
ସଙ୍ଗୀତ ବାଦ୍ୟ ଓ ନୃତ୍ୟ, ଯାତ୍ରା ଉତ୍ସବ ମୁଖର,
କୀର୍ତ୍ତନ ଭଜନ ଗାନରେ, ଉଲ୍ଲସିତ ମନ୍ଦିର ।
ଘଣ୍ଟି ଘଣ୍ଟ ଶଙ୍ଖ ସାଥେ, ପଞ୍ଚ ଉପଚାର,
ପୂଜା ବନ୍ଦାପନା ପୁଣି ତ, ଜଗମୋହନ ପୁର ।
ଦିବ୍ୟସିଂହ ଦେବ ଦ୍ଵିତୀୟ, ଏହା ଆରମ୍ଭିଥିଲେ,
ଝୁଲଣ ଯାତ୍ରାଟି ପୁରୀରେ, ପ୍ରତି ବରଷ ଚାଲେ ।