ଜହ୍ନରାତି

ଜହ୍ନ ରାତିର ମାଦକ

     ପୁନେଇ ପଖାଳା ଚାନ୍ଦ

ଝରି ପଡ଼ୁଅଛି ବିମଳ ଯୋଜନା

       ଗାଉଛି ପ୍ରୀତିର ଚ୍ଛାନ୍ଦ ।

ଭୋକ ହାଣ୍ଡିଏକୁ ପେଟର ତାତି

      ଲୁହ ଆଖିଏକୁ ଭିଜୁନି ମତି

ଗରିବ ଘରେ

    ଜହ୍ନ ଖେଳୁଛି ଦୋଳି

   ଚୁଲି ଉପରେ ହାଣ୍ଡିଏ ପାଣିରେ

   ଫୁଟି ଫୁଟି ଶାନ୍ତ ଥକି ଗଲାଣି 

   ବୋଧେ ଫୋଟକା ମେଳି ॥

ମାଆ ରହିଛି ଚାହିଁ

     ଆସିଲେ ଚାଉଚ୍ଚ ହେବ ରୋଷେଇ

     ପୁଅ ଝାଉଁଳି ଶୋଇଛି

     ସହି ପାରୁନି ଭୋକର ଜ୍ଵାଳା

      ଜ୍ୟୋତ୍ସ୍ନାରେ ଭିଜି ମନ କରୁନି

      ସାଂଗମେଳ ଖେଳା । । ।

ନାଳ କଡ଼ରେ ମହୁଲି ନିଶାରେ

     ଥକି ଶୋଇଛି ବାପା

   ରଜତ ଧବକ ଶୀତଳ କିରଣେ

      ନିଶା କୋଳରେ ଚାପା ॥

କାହାରିକୁ ଦିଶୁ ନାହିଁ

    ଭୋକ ଆଉ ନିଶା

    ସବୁ ସପୁନକୁ ଦିଅନ୍ତି ଧୋଇ ।

ଶୁନ୍ ଶାନ ଚୁପ୍ ଚାପ୍ ଜହ୍ନରାତି

   କୁକୁର ଭୋକେ

   କୋକିଶିଆଳର ହୁକେ

   ନିଶାଚର ସବୁ ଗଲେଣି ଶୋଇ

    ଜୋତ୍ସ୍ନାବିଧୌତ ତରଳ ପଦାର୍ଥ

     ପେଟେ ପିଇ ।

ମାତ୍ର ନିରିମାଖି ମା'

କୋହ -ଲୁହ ମିଶା ବତୁରା ଛାତିରେ

    ନିସ୍ତବ୍ଧ ଜହ୍ନ ରାତିରେ

 .   ଶୋଇ ପାରୁନି

   କାଳେ ଜହ୍ନ ବୁଡ଼ିବା ବେଳେ

    ନୂତନ ସମ୍ଭାବନାର ସୂର୍ଯ୍ୟ ଉଇଁବ

..   କଳାବାଦଳ ଉଭେଇ ଯିବ

    ଜହ୍ନ ଆଉ ଫେରିବନି ନିଇତି

ଗରିବ ଲୁହରେ ଗାଧୋଇ

ମୁଁହକୁ ଲୁଚେଇ ଶୁଖେଇ ।