ଲାଇବ୍ରେରୀ
ପ୍ରୋଫାଇଲ୍
ଜହ୍ନର ଠିକଣା
ଜହ୍ନର ଠିକଣା
1 min
460
ଖୋଜୁଅଛି ଆଜି ମୁହିଁ
ଜହ୍ନର ଠିକଣା
ଖୋଜି ଖୋଜି ହୋଇ ଯାଏ
ମନ ପଥେ ବଣା
କିଏ ମୋତେ ଦେବ ତା'ର ଠିକଣା ।
ବାଦଲକୁ ପଚାରିଲି
ମୁହଁ ଦେଲା ଲୁଚି
ଜାମିନୀକୁ ପଚାରିଲେ
ନୀରବ ରହୁଛି
ବୋଧେ ଠିକଣା ଅଜଣା
କିବା ଜାଣି ବି ଅଜଣା
କିଏ ମୋତେ ଦେବ ଜହ୍ନ ଠିକଣା।
ସରସୀକୁ ପଚାରିଲି
ଦେଲା ସିଏ ହସି
ଜୋଛନାକୁ ପଚାରିଲି
ଗଲା ସିଏ ରୁଷି
ବୋଧେ ଠିକଣା ଅଜଣା
କିବା ଜାଣି ବି ଅଜଣା
କିଏ ମୋତେ ଦେବ ଶଶୀ ଠିକଣା ।
ଶିଶିରକୁ ପଚାରିଲି
ଗଲା ସିଏ ଝରି
ଶେଫାଳୀକୁ ପଚାରିଲି
ମନ କଲା ଭାରି
ବୋଧେ ଠିକଣା ଅଜଣା
କିବା ଜାଣି ବି ଅଜଣା
କିଏ ମୋତେ ଦେବ ଜହ୍ନର ଠିକଣା ।
କଥା ଦେଇଛି ପ୍ରିୟାକୁ
ହାତେ ଦେବି ଜହ୍ନ
ଦେଇ ନ ପାରିଲେ ସିଏ
ଫେଡାଇବ ମନ
ମୋର ମନ ହୁଏ ବଣା
ମନ କରିବ ସେ ଉଣା
କିଏ ମୋତେ ଦେବ ଜହ୍ନ ଠିକଣା ।
