ଜହ୍ନର ଠିକଣା

ଆକାଶ ରାଜ୍ୟର ରାଜକୁମାର

ମାମୁଁ ଭାଵେ ତୁମ କେଡେ ଆଦର

କୁନି ପିଲାଙ୍କର ହୃଦର ହାର

ସଵୁରି ମନର ଶୀତଳ ଝର ।

ତୁମ ଛବି ମନେ ଆଣେ ଉଲ୍ଲାସ

ଅନ୍ଧାର ରାତିର ଆଦ୍ୟ ପ୍ରକାଶ

ମନ ଆଙ୍ଗନରେ ଵିତରି ବାସ

ତୁମେ ସୁମନର ପ୍ରୀତି ପିୟୁଷ ।

 ସରୋଵରେ କଇଁ ଥାଏ ଅନାଇଁ

ତୁମ ବାଟ ଚାହିଁ ରାତି ବିତଇ

 କାହିଁ କେତେ ଦୂରେପ୍ରୀତି ଆଶ୍ଲେଷରେ

ମୁରୁକି ହସରେ ଵାସ ସଜାଇ ।

 ହେଲେ ତୁମ ଠିକଣାଟି ଅଜଣା

 ପଥିକଟି ବାଟ ହୁଅଇ ବଣା

ଠିକଣାଟି ଲେଖି ଦେବ କି ଥରେ

ଉଡିଯିବୁ ଆମେ ଵ୍ୟୋମଯାନରେ।