ଜହ୍ନ ରାତି

କହିଥିଲି ତ ,

ତୁମେ ସାଥେ ଥିଲେ ସାଥି ମୋର 

ମୋତେ ଜହ୍ନ ରାତି ଲାଗେ ପ୍ରିୟ !!

ତୁମ କୋଳେ ମଥା ରଖି ,

ସମଗ୍ର ଦୁନିଆ ଟା ମୋର ବୋଲି ଭାବି ନିଏ

ଠିକ୍ ଆକାଶ ଛାତିରେ ଫୁଲେଇ ଜହ୍ନ ପ୍ରାୟ !!

କେହି ଜାଣୁ ନ ଜାଣୁ ,

ଈର୍ଷା ତ ଅଛି ସୁନ୍ଦରୀ ଜହ୍ନ ପରେ

କେଉଁ କାଳରୁ ଅବାଧ ମିଳାମିଶା

କୁହତ ଏ ଜହ୍ନ ସାଥେ ବିସ୍ତୀର୍ଣ୍ଣ ଆକାଶର !!

ସମସ୍ତେ ଆମ ଭଳି ବିମୁଗ୍ଧ ,

ସେ ଜ୍ୟୋସ୍ନା ଝରା ରାତ୍ରିର ମାୟାରେ

ପକ୍ଷ ପକ୍ଷର ହିସାବ ଅପେକ୍ଷାରେ ନିତି

କଥା ଦେଇଛି ମୁଁ ପୁଣି ଝୁମିବା ଆମେ ଜହ୍ନ ରାତିରେ !!

ଅସହଜ ହେବିନି ମୁଁ ଜମା ,

ଯଦି ତୁମେ ପଡ଼ିଯାଅ ସେ ଜହ୍ନ ପ୍ରେମରେ

ଜାଣିଛି ମୁଁ ସେ ଜହ୍ନଟା ଅଲାଜୁକି ଭାରି

ବାନ୍ଧି ରଖେ ସୌନ୍ଦର୍ଯ୍ୟରେ ପ୍ରେମିକକୁ ସବୁ ତିଥିରେ !!