ଜହ୍ନ ଲୋ ଟିକେ ରହ
ଜହ୍ନ ଲୋ ଟିକେ ରହ
ଏ ରାତି, ଏ ଆକାଶ, ଏ ଅନ୍ଧାର
ଡର ଲାଗେ କିଛି କହିବାକୁ,
ଜହ୍ନ ଲୋ ଟିକେ ରହ ଏବେ ତୁ
କଥା ଦେଇଛି ସିଏ ଆସିବାକୁ |
ଏକା ଏକା ବସି ମୁଁ ତ ଭାବୁଛି
ତୋ ଆଲୁଅରେ ତାକୁ ଦେଖିବାକୁ,
ଜହ୍ନ ଲୋ ଟିକେ ରହ ମୋ ପାଇଁ
ଚାହିଁଛି ତାର ଆସିବା ବାଟକୁ |
ତୋ ଆଲୁଅରେ ତାରା କରନ୍ତି ମିଟି ମିଟି
ପାଇଛି ତାର ପ୍ରେମ ପରସକୁ,
ଜହ୍ନ ଲୋ ଟିକେ ରହ ସାଥିରେ ମୋର
ଆମ ପ୍ରେମକୁ ତୁ ଦେଖିବାକୁ |
ମନେପଡେ ତା ନାଲି ଓଠର ଚାପା ହସ
ସଙ୍ଗେ ଆଖିର କଜଳ ଗାରକୁ,
ଜହ୍ନ ଲୋ ଟିକେ ରହ ଦେଖିବୁ ତୁ
ତାର ସେହି ସୁନ୍ଦର ମୁଖକୁ |
ତୋତେ ଦେଖି ଏକା ଏକା ମୁଁ ଯେ
କେତେ କେତେ କବିତା ଲେଖିଛି,
ଜହ୍ନ ଲୋ ଟିକେ ରହ, ତୋ ଆଲୁଅରେ
ତାକୁ ଦେଖିବାକୁ ମନ କହୁଛି |
ତୋତେ ଦେଖି ଯେବେ ହସୁଥିଲା ଏହି ରାତି
ଭାବିଥିଲି ତାକୁ କିଛି କହିବାକୁ,
ଜହ୍ନ ଲୋ ଟିକେ ରହ ସବୁ ଦେଖିବାକୁ
କେମିତି କଣ କହୁଛି ତାକୁ |
ସିଏ ମୋତେ କହୁ କହୁ କିଛି ରହିଗଲା
ଏବେ ଆସୁଛି ସିଏ କହିବାକୁ,
ଜହ୍ନ ଲୋ ଟିକେ ରହ ତାକୁ ଶୁଣିବୁ
ଆକୁଳ ବି ମୁଁ ଜାଣିବାକୁ |
ଲୁଚି ଲୁଚି ପାଦ ଥାମି ଆସିବ ସିଏ
ତାର ମନ କଥା କହିବାକୁ,
ଜହ୍ନ ଲୋ ଟିକେ ରହ ମୋ ସହିତ
ତା ମିଠା କଥା ଶୁଣିବାକୁ |
ଡରି ଡରି ହସ ଚାପି ବସିଛି ମୁଁ
ଚାହିଁ ରହିଛି ତା ବାଟକୁ,
ଜହ୍ନ ଲୋ ଟିକେ ରହ ଭରଷା ଦେବୁ
ସୁନ୍ଦର କରିବୁ ମୋର ପ୍ରେମକୁ |
ଆସିବ ସିଏ ଯେବେ ପଚାରିବ ମୋତେ ସେବେ
ଚାହିଁବ ବି ତୋତେ ଦେଖିବାକୁ,
ଜହ୍ନ ଲୋ ଟିକେ ରହ ତା ପାଇଁ
ଦେଖିବୁ ତୁ ତାର ଖୁସିକୁ |
ସେ ଆସିଲେ ତୋତେ ଦେଖି ତ କହିବ
ତୋ ଶୀତଳ ପରସ ପାଇବାକୁ,
ଜହ୍ନ ଲୋ ଟିକେ ରହ ଛୁଇଁବୁ ତାକୁ
ଦେଖିବୁ ସୁନ୍ଦର ପ୍ରେମ ପୁଲକକୁ |
ତାକୁ ଦେଖି ତୁ ତୋର ଆଶିଷ ଦେବୁ
କହିବୁ ତାର କଥା ରଖିବାକୁ,
ଜହ୍ନ ଲୋ ଟିକେ ରହ, ରାଣ ତୋତେ
ବୁଝାଇ ସବୁ କହିବୁ ତାକୁ |
ଟିକେ ପରେ ପାହାନ୍ତାରେ ଯେବେ ତୁ ଚାଲିଯିବୁ
ସେ କହିବ ମୋତେ ଫେରିବାକୁ,
ଜହ୍ନ ଲୋ ଟିକେ ରହ ମାନିଯା ତୁ
ଆମ ପ୍ରେମର ସାକ୍ଷୀ ହେବାକୁ |