ଝିପିଝିପି ବରଷା ସହ (ଭାଗ - ୨)

ଝିପିଝିପି ବରଷାଟା ଭାରି ଅମାନିଆ ସତରେ

ଅବେଳାରେ ଲୁହ ପରି ଟପ୍ ଟାପ୍ ଝରେ ।

ଗୁମ୍ ସୁମ୍ ରହେ ବାଦଲ ଭିତରେ

ଟିପିର୍ ଟିପିର୍ ହୋଇ ମନ ଇଚ୍ଛା ଝରେ ।

ଛପି ଛପି ଘୂରି ବୁଲେ ବାଦଲ ଭିତରେ

ମନ ଇଚ୍ଛା ଟିକେ ପରେ ଟିକେ ଝରେ ଏ ଧରାପୃଷ୍ଠରେ ।

ଦୁମ୍ ଦୁମ୍ ହୋଇ ଝରିପଡ଼େ ମାଟି ଅଗଣାରେ

ଅସୁମାରୀ ଫୋଟକାର ଦୃଶ୍ୟ ଛାପି ସଭିଁଙ୍କ ମନରେ ।

ଟୁପ୍ ଟାପ୍ ହୋଇ ଝରିପଡିଥାଏ ନୂଆଁଣିଆ ଚାଳରୁ

ଛୋଟ ପିଲାମାନେ ଚାହିଁ ରହିଥାନ୍ତି ଭସେଇବାକୁ କାଗଜ ଡ଼ଙ୍ଗା ଦାଣ୍ଡ ପିଣ୍ଡାରୁ ।

ଖିଲି ଖିଲି ହସେ ସେ ସାରୁ ପତରରେ

ଗୁଲ୍ ଗୁଲ୍ କଥା କହେ ଭିଜିଲା ଓଠରେ ।

ଚକମକ ଦିଶେ ସେ ସାରୁ ପତରରେ

ନିଆରା ପୁଲକ ଭରେ ସଭିଁଙ୍କ ମନରେ ।

ବର୍ଷା ତ ବରଷି ଥାଏ ଆପଣା ଇଛାରେ

ସେ ବର୍ଷାରେ ଭିଜୁ ଆମେ ନିଜସ୍ୱ ଢଙ୍ଗରେ ।