ଜଗତର ନାଥ ନାମରେ ତୋହର ଆଜି ଲାଗେ ପ୍ରଶ୍ନବାଚୀ

ଜଗତର ନାଥ ନାମରେ ତୋହର 

ଆଜି ଲାଗେ ପ୍ରଶ୍ନବାଚୀ, 

କେତେ ଶବଦାହ ହେଲେ ସ୍ୱର୍ଗ ଦ୍ୱାରେ 

କାଳରାତ୍ରୀ ଶେଷେ ପ୍ରାଚୀ ॥

କଳି ଯୁଗର ଏ ମଣିଷ ହେଲେ ବି

କାଠ ପଥରକୁ ପୂଜେ,

ଜ୍ଞାନ, ଦୟା, ଧର୍ମ ଉଚିତ କର୍ମକୁ

ଉଣା ଅଧିକରେ ବୁଝେ ॥

ସୁଖେ ଦୁଃଖେ ଅବା ପୂଜା ପରବରେ

ନିତି ହରିନାମ ଗାଏ,

ସ୍ୱାର୍ଥର ସଂସାରେ ଉବୁଡୁବୁ ସିନା

ଶ୍ରମ କର୍ମ ଦାନ ଦିଏ ॥

ତୋ କରୁଣା ଗାଥା ଗୀତ ଭଜନରେ

ଗାଉଥାଏ ଦୀନ ଜନ,

କେମିତି ସହୁଛ ଭକ୍ତର ବିଳାପ

ତରଳୁନି ତୁମ ମନ ॥